मदत अन्य देशांची;नाव मात्र म्यानमारचे
यंगून, ता. १० - नर्गीस चक्रीवादळाचा तडाखा बसलेल्या म्यानमारने सर्वांची मदत स्वीकारणार असल्याचे जाहीर केल्यानंतर संयुक्त राष्ट्र संघासह अनेक राष्ट्रांकडून मदतीचा ओघ सुरू झाला आहे.

पाच वर्षांचा कार्यकाळ सरकार पूर्ण करेल - गिलानी
इस्लामाबाद, ता. ११ - सत्ताधारी आघाडीतील मुख्य घटक असणारा पाकिस्तान मुस्लिम लीग (नवाझ गट) सरकारचा पाठिंबा काढणार नाही, असे सांगत आपले सरकार पाच वर्षांचा कार्यकाळ पूर्ण करेल, असा विश्‍वास पाकिस्तानचे पंतप्रधान युसूफ रझा गिलानी यांनी व्यक्त केला.

आत्मघाती हल्लेखोरांना पाकिस्तानात अटक
इस्लामाबाद, ता. ११ - पाकिस्तानातील रावळपिंडी शहरात सुरक्षा दलांनी तीन आत्मघाती हल्लेखोरांना आज अटक केली. त्यांच्याकडून बॉंब तयार करण्याची साधने आणि आत्मघाती हल्ल्यात वापरता येणारी दोन जॅकेट जप्त करण्यात आल्याचे अधिकाऱ्यांनी सांगितले; तसेच त्यांच्याकडून काही महत्त्वाच्या स्थळांचे नकाशेही मिळाले आहेत.

अफगाणिस्तानात ९ दहशतवादी ठार
इस्लामाबाद, ता. ११ - अफगाणिस्तानात "नाटो' सैन्याशी झालेल्या चकमकीत तालिबानचे नऊ दहशतवादी ठार झाल्याचे सूत्रांनी सांगितले.

मोटार अपघातात अमेरिकेत सहा ठार
स्प्रिंगफिल्ड (अमेरिका), ता. ११ - अमेरिकेच्या पेनसिल्व्हानिया राज्यात दोन मोटारींच्या टकरीत सहा जण ठार झाल्याचे पोलिस अधिकाऱ्यांनी सांगितले.

इराकमध्ये चकमकीत चार जण ठार
बगदाद, ता. ११ - उत्तर इराकमधील मोसूल शहरात अमेरिकेच्या लष्कराने "अल्‌-कायदा' दहशतवाद्यांविरुद्ध केलेल्या कारवाईत चार जण ठार झाल्याचे लष्कराच्या प्रवक्‍त्याने सांगितले.