लातूर : 'कोण म्हणतं देत नाही, घेतल्याशिवाय राहत नाही' अशा घोषणा देत तर कुठे चौकात टायर जाळत, वेगवेगळ्या भागात दुचाकी रॅली काढत तर कुठे ठिय्या आंदोलन करत मराठा बांधवांनी मराठा आरक्षणाकडे लक्ष वेधून घेतले.
मराठा समाजाला आरक्षण लागू करण्यात यावे या मागणीसाठी मराठा क्रांती मोर्चाच्या वतीने गुरुवारी लातूर बंदला सुरुवात झाली. प्रमुख रस्त्यांवर टायर पेटवून शहरात येणारे रस्ते बंद करण्यात आले आहेत. तर काही ठिकाणी बॅरिकेट्स लावून रस्ते बंद करण्यात आले आहेत. या आंदोलनात तरुणाई मोठया संख्येने सहभागी झाली आहे. आम्हाला आरक्षण कशी मिळणार, अशा घोषणा देताना ती दिसत आहे.
दरम्यान, शहरात अनुचित प्रकार घडू नये म्हणून मोठा पोलीस बंदोबस्त ठेवण्यात आला आहे. सर्व वरिष्ठ पोलीस अधिकारी बंदोबस्तासाठी रस्त्यावर उतरले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.