मुंबई : कोरोना व्हायरसला रोखण्यासाठी लॉकडाऊन जाहीर करण्यात आला. लॉकडाऊन जाहीर झाल्यापासून बेस्ट बसनं अत्यावश्यक सेवेतल्या कर्मचाऱ्यांसाठी बस सेवा पुरवत आहे. सरकारी, पालिका, पोलिस विभागाचे अधिकारी, कर्मचारी, सफाई कामगार यांसाठी बेस्ट सेवा सुरु आहे. अशातच कोविड-19च्या संकटामुळे बेस्ट आपल्या कर्मचाऱ्यांना त्यांचा पगार सुट्टे पैशांच्या स्वरुपात देत आहे. कर्मचाऱ्यांना त्यांचा पगार हा सुट्टे पैसे असा दिला आहे. कर्मचाऱ्यांना सुट्टे पैसे दिल्यानं बँकांमध्ये पैसे जमा करण्यात समस्या निर्माण होत आहेत. पैसे गोळा करण्यासाठी डेपोमध्ये येऊ शकत नसून असहाय्य असल्याची प्रतिक्रिया क्वांरटाईन असलेल्या एका बेस्ट कर्मचाऱ्यानं दिली आहे.
सोमवारी मे महिन्यातील पगाराच्या वितरणाची प्रक्रिया सुरू झाली. कर्मचाऱ्यांना द्यावयाची रक्कम ही पोत्यात ठेवण्यात आली आहे आणि त्यांना त्यांचे पैसे एका पाऊचमध्ये देण्यात आलेत.
एकूण पगाराच्या रकमेपैकी, बस डेपोमध्ये 5 हजार रुपयांची रक्कम वितरित केली जात आहे. ( 4 हजार नोटा स्वरुपात असून त्यात 20 आणि 100 रुपयांच्या नोटा आणि 1 हजार रुपयांची नाणी आहेत.) उर्वरित पगार संबंधित बँक खात्यात जात असल्याचं एका बस कंडक्टरनं सांगितलं. माझ्या पगाराच्या भाग म्हणून मला 5 हजार रुपयांची नाणी मिळाली. परंतु हे नाणी वापरणं अवघड होणार आहे. बेस्ट ही एक मोठी सरकारी संस्था असून त्यांच्याकडे काही पातळीवर पैशांची देवाणघेवाण करण्याचं साधन देखील आहे, आमच्याकडे ते नसल्याचं एका बस ड्रायव्हरनं सांगितलं.
बेस्ट कामगार संघटनेचे सरचिटणीस जगनारायण कहार यांनी सांगितले की, लोकल गाड्या बंद असतानाही बेस्ट बसचे कर्मचारी परिश्रम घेत आहेत. त्यांच्यावर अशाप्रकारे अन्याय करणे चुकीचं आहे. लोकल रेल्वे ठप्प असताना बेस्ट बसेस अत्यावश्यक कर्मचाऱ्यांना ने-आण करण्यासाटी शहरातील एकमेव लाईफलाईन बनली होती. बेस्टचे प्रवक्त्यानं सांगितलं की, केवळ पगाराचा काही भाग सुट्टया पैशांमध्ये वितरित करण्यात आला आहे.
बेस्टला मिळालं तब्बल इतक्या लाखांचं उत्पन्न
बेस्ट बसमध्ये अत्यावश्यक सेवा पुरवणारे अडीच लाख सरकारी कर्मचारी, पालिका अधिकारी, पोलिस प्रवास करताहेत. त्यामुळे आता तब्बल सहा लाख प्रवाशांची वाहतूक होत असल्याची माहिती बेस्ट उपक्रमानं दिली आहे. बेस्टला या सहा लाख प्रवासी वाहतुकीमुळे सुमारे 56 लाख रुपयांचे उत्पन्न मिळालेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.