मिरारोड : मीरा-भाईंदर महापालिकेसाठी आज रविवार सकाळी ७.३० वाजल्यापासून मतदानाला सुरुवात झालीे. सकाळ पासूनच शहरात पावसाने हजेरी लावल्याने पण अशा पावसातही मतदार घराबाहेर पडून आपले मतदानाचा हक्क बजावत होते.
मतदान प्रक्रियेसाठी चोख व्यवस्था ठेवण्यात आली आहे. 9 निवडणूक अधिकाऱ्यांच्या माध्यमातून शहरातील 774 मतदान केंद्रावरील निवडणूक प्रक्रियेवर नजर ठेवण्यात आली.
मीरा-भाईंदर महानगरपालिकेच्या 24 प्रभागांमधील 95 वॉर्डसाठी निवडणूक होणार आहे. त्यापैकी एक वॉर्डमधून बिनविरोध निवड झाल्याने, आज 94 वॉर्डसाठीच मतदान होत आहे. एकूण 509 उमेदवार निवडणुकीत आपले नशीब आजमावत आहेत. काँग्रेसची एक जागा यापूर्वीच बिनविरोध झाली आहे. प्रशासनाने 101 मतदान केंद्र संवेदनशील म्हणून घोषित करण्यात आली आहेत. यातील ५ मतदान केंद्र मीरा रोड येथील आहेत. तर ४ मतदार केंद्र ही भाईदरमधील आहेत. निवडणुकीसाठी शहरात सुमारे 4 हजार 750 पोलिस कर्मचाऱ्यांची नेमणूक करण्यात आली असून तीन दिवस शहरामध्ये 161 पोलीस अधिकारी, 1 हजार 842 पोलीस कर्मचारी आणि 300 होमगार्ड तैनात करण्यात आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.