मुंबईत आता कोविड रूग्णांना देण्यात येणार 'ही' औषधं; आयुष मंत्रालयाने सुचवलेल्या औषधांनी होणार उपचार.. 

मुंबई : सौम्य लक्षणे असलेल्या रुग्णांना आता संशमनी वटी, आयुष काढा, च्यवनप्राश अश्या प्रकारची औषध देण्याचा निर्णय घेण्यात आला आहे. काही कोविड रुग्णांना आयुष मंत्रालयाने सुचविलेल्या या औषधांचा उपचार करून निरीक्षणाखाली ठेवण्यात येणार आहे. या औषधांमुळे कोविड रुग्णांमधील लक्षणे कमी होण्यास मदत मिळेल असे सांगण्यात येते.

आयुष मंत्रालयाने कोविड रुग्णांसाठी काही औषधं सुचवली आहेत.  रुग्णांवर आता आयुष मंत्रालयाने सुचविलेल्या औषधांने देखील उपचार होणार आहे.  महाराष्ट्र शासनाच्या आयुष टास्क फोर्सच्या टीमने बिकेसी येथील कोविड सेंटरला प्रथमच भेट देत आयुष मंत्रालयाने सुचविलेल्या नियमावलीनुसार मोफत औषधांचे वाटप सुरू केले.

हेही वाचा: मोठी बातमी! यंदा गणेश गल्लीच्या गणपतीची फक्त पूजा मूर्ती; बाप्पाचं ऑनलाईन दर्शन..  

मुंबईत अनेक ठिकाणी कोविड रुग्णालये तसेच सेंटर उभारण्यात आले आहेत.  त्यातील सौम्य लक्षणे असलेल्या रुग्णांना आयुषची ही औषधे देण्याचा निर्णय झाला आहे. सध्या बिकेसीतील कोविड रुग्णालयात दाखल असलेल्या सौम्य लक्षणे असलेल्या रुग्णांची निवड करण्यात आली आहे. बिकेसीतील कोविड रुग्णालयात 500  रुग्णांवर उपचार सुरू आहेत.

त्यातील 200 सौम्य लक्षण असलेल्या रुग्णांना व येथे काम करणाऱ्या डॉक्टरांना आज पासून ही औषधे वाटप करण्यात येणार आहे. यात संशमनी वटी, आयुष काढा, च्यवनप्राश यांचा समावेश असून ही औषध धुतपापेश्वर कंपनी मार्फत मोफत डॉ. शुभा राऊळ यांनी उपलब्ध केली. 

 आयुष कोविड टास्क फोर्स मोफत औषध वाटप करण्याचे काम करत आहे. या औषधांमुळे कोविड रुग्णांची लक्षण कमी होण्यास मदत मिळेल. ही तिन्ही औषधं एकत्रित पणे काम करणार आहे आणि रुग्णांना पूर्णपणे बर होण्यास मदत करतील असा विश्वास आयुष टास्क फोर्सच्या सदस्य डॉ. शुभा राऊळ यांनी व्यक्त केला.  

हेही वाचा: पहिला बांबू...सामनाच्या अग्रलेखातून चीनवर निशाणा 

आयुषच्या या औषधांबाबत सकारात्मक असल्याचे महिला अधिकाऱ्यांचे म्हणणे आहे. आजपासून कोविड रुग्णांवर हे प्रथमोपचार करण्यात येत आहेत. याची जबाबदारी कोविड रुग्णालयात नेमण्यात आलेल्या आयुर्वेदिक डॉक्टरांना देण्यात आली आहे.

15 दिवसांनी हे औषध दिलेल्या व न दिलेल्या रुग्णांचा निरीक्षण केले जाईल असे बिकेसी येथील कोविड रुग्णालयाचे डिन डॉ. राजेश डेरे यांनी सांगितले. रुग्णांना या औषधांमुळे लाभ झाल्यास इतर रुग्णांना ही औषधं पुरवण्यात येणार आहेत.