मोठी बातमी! यंदा 'या' ठिकाणी होणार सार्वजनिक गणेश मंडळांच्या मूर्तीचे विसर्जन..वाचा सविस्तर बातमी.. 

मुंबई : कोरोनाच्या पार्श्वभूमीवर सरकारने यंदा गणेशोत्सव साधेपणाने साजरा करण्याचे निर्देश देत आगमन आणि विसर्जनाच्या मिरवणुका काढल्या जाऊ नयेत, अशा सूचना केल्या आहेत. 

याबाबत शासनाने गणेशोत्सवाबाबत परिपत्रक जारी केले असून त्याआधारे मुंबई महापालिकेनेही गणेशोत्सव मंडळांच्या मंडपांना परवानगी देताना मंडपाच्या शेजारील कृत्रिम तलावांमध्ये गणेश मूर्ती विसर्जन करण्याचे निर्बंध घातले आहेत.

हेही वाचा: दिलासादायक बातमी! मुंबईत रुग्ण दुपटीचा दर गेला 51 दिवसांवर; आज दिवसभरात तब्बल 'इतक्या' रुग्णांची नोंद.. 

 त्यामुळे यंदा समुद्र चौपाट्यांच्या पारंपारिक विसर्जन स्थळांवर गणेश मूर्ती विसर्जन होणार नाही.त्यामुळे ‘गणरायांच्या मूर्ती विसर्जनाचा भार यंदा कृत्रिम तलावांवरच’ असणार आहे. 

मुंबईत गिरगाव, दादर, शिवाजीपार्क, जुहू आदी चौपाट्यांसह ८४ विसर्जन स्थळांच्या ठिकाणी महापालिकेच्या वतीने गणेश मूर्ती विसर्जनाची व्यवस्था केली जाते. कोरोना कोविड १९च्या पार्श्वभूमीबाबत सुरक्षिततेचा उपाय म्हणून गर्दी टाळून सोशल डिस्टन्सिंगचे पालन करण्यासाठी यावर्षी गणरायाच्या आगमन आणि विसर्जन मिरवणुकांचे आयोजन न करण्याचे आवाहन सरकारने केले आहे. 

हेही वाचा; धक्कादायक प्रकार! जंम्बो ऑक्सिजन सिलेंडर पुरवण्याचं कंत्राट दिलं बिल्डरला; मुंबई महानगर पालिकेचा प्रताप..

मात्र, मुंबई महापालिकेने गणेशोत्सव मंडळांच्या मंडपांना परवानगी देताना प्रतिज्ञापत्रकांमध्ये सार्वजनिक मूर्तीचे विसर्जन मंडपालगतच्या कृत्रिम तलावांमध्येच करण्याची अट घातली आहे. मात्र, कृत्रिम तलावांत सार्वजनिक गणेश मूर्तीचे विसर्जन करताना मंडळाचे १० पेक्षा अधिक लोक उपस्थित असणार नाहीत आणि मिरवणूक काढली जाणार नाही, अशा प्रकारचे हमी पत्रही लिहून घेतले आहे.

संपादन : अथर्व महांकाळ 

 visarjan of ganesh idol will held at artificial pond in mumbai