Crime Alert | अल्पवयीन मुलीवर अत्याचार करणारा नराधम जेरबंद

अहमदनगर : अल्पवयीन मुलीवर अत्याचार केल्याप्रकरणी कोतवाली पोलिस ठाण्यात दाखल असलेल्या गुन्ह्यातील आरोपी माजिद खान आसिफ खान (रा. पंचपीर चावडी, अहमदनगर) याला अटक करण्यात आली आहे. त्याला न्यायालयासमोर हजर केले असता ता. 18 एप्रिलपर्यंत पोलिस कोठडीत ठेवण्याचे आदेश दिले आहेत.

अहमदनगर शहरात राहणाऱ्या एका अल्पवयीन मुली बरोबर शारीरिक संबंध ठेवून तिला गर्भवती केल्याप्रकरणी खान विरोधात कोतवाली पोलीस ठाण्यात गुन्हा दाखल करण्यात आला होता. आरोपी खान याने 15 वर्षीय अल्पवयीन मुली सोबत दोन वर्षे वेळोवेळी शारीरिक संबंध ठेवले. यातून ती गर्भवती राहिली व तिने एका मुलीला जन्म दिला. अल्पवयीन मुलीने जिल्हा रूग्णालयात दिलेल्या जबाबावरून कोतवाली पोलिसांनी कलम 376 व पॉक्‍सो अन्वये (Pocso Act) गुन्हा दाखल केला होता. या गुन्ह्याचा तपास पोलीस उपनिरीक्षक एस. के. दुर्गे करत आहेत. गुन्हे शोध पथकाने आरोपी खान याचा अहमदनगर शहरात शोध घेऊन त्याला अटक केली आहे.