अहमदनगर : शहरासह जिल्ह्यात आज (शनिवारी) पावसाने हजेरी लावली. शहरात सायंकाळच्या सुमारास मान्सून पूर्व पावसाने हजेरी लावली. त्यामुळे रात्री वातावरणात गारवा निर्माण झाला होता.मान्सूनपूर्व भागात पावासाने जिल्ह्यातील काही भागात हजेरी लावलेली आहे. दोन दिवसांपूर्वीच नगर शहरात पावसाने हजेरी लावली होती. त्यानंतर गुरुवारी पावसाने शहरात विश्रांती घेतली. आज (ता. ११)ला शहरासह परिसरात पावसाने रिमझिम पावसाने हजेरी लावली. नगर तालुक्यातील काही भागात पावसाने दमदार हजेरी लावली आहे.
राहुरी तालुक्यात दुपारी चारच्या सुमारास सर्वदूर जोरदार पाऊस झाला. शेवगाव तालुक्यातही काही ठिकाणी रिमझिम पावसाने हजेरी लावली. कोपरगाव तालुक्यातील रांजणगाव देशमुख, अंजनापूर, काकडी, मनेगाव, कोपरगाव शहरात दुपारी चारनंतर पाऊस झाला. संगमनेर व श्रीरामपूर तालुक्यातही पावसाने हजेरी लावली.
नगर तालुक्यातील जेऊर परिसरात पावसाने दमदार हजेरी लावली. या पावसाने ओढेनाल्यांना पाणी वाहिले. तसेच नगर तालुक्यातील इतरही भागात पावसाने हजेरी लावली. जिल्ह्यातील काही भागातही कमी जास्त प्रमाणात पावासाने हजेरी लावली.
शेतकऱ्यांच्या आशा पल्लवित
पावसाला सुरवात झाल्यामुळे शेतकऱ्यांच्या खरिपाच्या आशा पल्लवीत झालेल्या आहेत. त्यामुळे आता शेतकऱ्यांची खरिपाच्या पेरणीसाठी लगबग सुरु होणार आहे. आगामी दोन ते तीन दिवसात पावसाची शक्यता व्यक्त केली जात आहे. त्यामुळे शेतकऱ्यांकडून आता खरिपाच्या नियोजनाची तयारी सुरु झालेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.