राज्यात लोकसभा निवडणुकीच्या दरम्यान अनेकदा पैसै वाटल्याचा दावा केला जातो. या दरम्यान बारामतीप्रमाणेच काल मध्यरात्रीच्या सुमारास अहमदनगरमध्ये भाजपने पैसे वाटल्याचा दावा करण्यात आला आहे. यासंबधीचे व्हिडीओ राष्ट्रवादी शरदचंद्र पवार गटाचे नगरचे उमेदवार सोशल मिडीया एक्सवर शेअर केला आहे.
भाजपचे पारनेर तालुकाध्यक्ष राहुल शिंदे पैसे वाटतानाचा व्हिडीओ सोशल मिडीयावर समोर आला आहे. या व्हिडीओ प्रकरणाची तपासणी करून संबंधितांवर कठोर कारवाई करण्याची मागणी केली जात आहे. अहदनगरचे शरद पवार गटाचे उमेदवार निलेश लंकेंनी पैसे वाटतानाचा व्हिडीओ सोशल मिडीयावर शेअर केला आहे.
निलेश लंके यांनी त्यांच्या सोशल मिडीयावर पैसे वाटतानाचे काही व्हिडीओ शेअर केले आहे. व्हिडीओमध्ये भाजप पारनेर तालुकाध्यक्ष राहुल शिंदेंचा व्हिडीओ समोर आला आहे. व्हिडीओसोबत निलेश लंके म्हणाले, बारामतीसारखी पैसे वाटपाची पुनरावृत्ती अहमदनगर लोकसभा क्षेत्रात सुद्धा भाजपने कायम ठेवली. परंतु या धनशक्तीला जनशक्ती पुरून उरणार. भाजपा पारनेर तालुकाध्यक्ष राहुल शिंदे याला पैसे वाटतानाच्या या व्हिडीओची शहानिशा करून संबंधितांवर कठोर कारवाई करावी, अशी मागणी देखील त्यांनी केली आहे.
अहमदनगर लोकसभेतील जनता स्वाभिमानी आहे, ती भाजपच्या पैशांच्या मोहाला आणि दमदाटीला बळी पडणार नाही. भाजपला पराभव समोर दिसत आहे, त्यामुळे या गोष्टी घडताना दिसत आहे.
हीच का तुमची दोन दिवसाची यंत्रणा?
पारनेर भाजपा तालुकाध्यक्ष राहुल शिंदे यांना सुजय विखे पाटील यांचे वडझिरे येथे पैसे वाटताना रंगेहात पकडले.. आता तुम्ही ठरवा तुम्हाला चार-पाचशे रुपये देऊन तुमचा लोकशाहीचा अधिकार विकत घेणारा खासदार हवा का विकास करणारा, सामान्यांसाठी लढणारा हवा? असंही लंकेंनी म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.