अहमदनगर : लोकनेते खासदार दादा पाटील शेळके कृषी उत्पन्न बाजार समितीच्या भाजी व फळ मार्केटल बुधवारी (ता. २१) सकाळी १० च्या सुमारास भीषण आग लागली होती. धुराचे लोळ पाहून व्यापारी आणि ग्राहकांमध्ये एकच खळबळ उडाली होती.
आगीची माहिती मिळताच राष्ट्रवादी पक्षाचे दोन पदाधिकारी यांनी अग्निशमन गाड्या बोलावून आग नियंत्रणात आणली. आग तात्काळ नियंत्रणात आल्यामुळे मोठे नुकसान टळले.
कृषी उत्पन्न बाजार समितीचे कोठी रोडवर भाजीपाला मार्केट आहे. या मार्केट मध्ये व्यापारी शहाणे यांचे भाजी व फळाचे गोडाऊन आहे. सकाळी नेहमीप्रमाणे शहाणे यांनी गौडाऊन उघडून खरेदी- विक्री सुरू केली होती.
एक दीड तासाने इलेक्ट्रिक बोर्डात शॉर्टसर्किट झाल्याने आग लागली. या आगीत व्यापाऱ्याचे २०० फळ कॅरेट जळून खाक झाले आहेत. दुकानातील काही फर्निचरचे ही किरकोळ नुकसान झाले आहे.
कोणतेही नुकसान नाही : उपसभापती रभाजी सुळ
भाजी पाला मार्केट मध्ये शहाणे यांचे फळाचे गौडवून आहे. शोर्ट्सरकिट मुळे आग लागली होती. तातडीने ही आग नियंत्रणात आणली आहे. किरकोळ आग असल्याने कोणतेही मोठे नुकसान झाले नसून कोणीही काळजी करू नये अशी माहिती बाजार समितीचे उपसभापती रभाजी सुळ यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
