आदिवासींना मारहाणप्रकरणी आश्‍वीत ५ जणांवर ऍट्रॉसिटी

आश्वी : किरकोळ कारणातून आदिवासी कुटुंबाच्या घरी जात फिर्यादी व तिच्या मुलाला लाथा-बुक्क्यांनी बेदम मारहाण करून, पोलिस ठाण्यात फिर्याद दिल्यानंतर जातिवाचक शिवीगाळ केली. या पाच जणांविरोधात आश्वी पोलिस ठाण्यात मारहाण व अनुसूचित जाती-जमाती अत्याचार प्रतिबंधक कायद्यान्वये गुन्हा दाखल झाला आहे.(ahmednagar crime news)

याबाबत महिलेने दिलेल्या फिर्यादीत म्हटले आहे, की गुरुवारी (ता. १३) रात्री साडेनऊच्या सुमारास त्यांच्या आश्वी बुद्रुक शिवारातील वस्तीवरील घरी येऊन, अनधिकाराने घरात घुसून यातील आरोपींनी फिर्यादी व तिच्या मुलाला शिवीगाळ करीत लाथाबुक्क्यांनी बेदम मारहाण केली. तसेच, मोबाईल आपटून फोडला.

आमच्या नादी लागल्यास बेत पाहू, अशी धमकी दिली. याबाबत आश्वी पोलिस ठाण्यात फिर्याद दिल्याचे समजताच पुन्हा त्यांच्या घरी जाऊन जातिवाचक शिवीगाळ केल्याचे पुरवणी फिर्यादीत म्हटल्याने, पोलिसांनी लखन मदने, बंटी मदने, अमोल जगताप, लव्हांडे (पूर्ण नाव माहीत नाही) व एक अनोळखी व्यक्ती (सर्व रा. आश्वी बुद्रुक, ता. संगमनेर) यांच्याविरोधात शि गुन्हा दाखल केला.