![Ahamadnagar Exit Poll](http://media.assettype.com/esakal%2F2024-06%2F942a0a45-cf90-481f-b196-91a8db129158%2FAhmednagar_Lok_Sabha__EXIT_Poll_Prediction_in_favor_of_Nilesh_Lanke__.jpg?w=480&auto=format%2Ccompress&fit=max)
लोकसभा निवडणुकीचे आज एक्झिट पोल समोर येत आहेत. अहमदनगरमध्ये राष्ट्रवादी शरद पवार गटाचे उमेदवार निलेश लंके हे TV9 पोलस्ट्राटच्या एक्झिट पोलनुसार आघाडीवर असण्याचा अंदाज व्यक्त केला आहे. डॉ. सुजय विखे पाटील पिछाडीवर असण्याची शक्यता आहे. निलेश लंके शरद पवार गटाकडून महाविकास आघाडीचे उमेदवार आहेत. तर डॉ. सुजय विखे पाटील महायुतीकडून भाजपाचे उमेदवार आहेत.
एक्झिट पोल येण्याआधी "मला 100 टक्के विश्वास आहे की, निवडणुकीचा निकाल माझ्याच बाजूने लागणार आहे. निवडणुकीची रणधुमाळी सुरु झाली तेव्हा मी जाहीर केले होतं, मी दोन लाखांच्या फरकाने विजयी होणार. मी आजही माझ्या वक्तव्यावर ठाम आहे, असं निलेश लंके यांनी म्हटलं आहे.
दरम्यान, लोकसभा निवडणुकीची मंगळवारी ४ जून रोजी मतमोजणी होणार आहे. अहमदनगर लोकसभा मतदारसंघासाठी मतमोजणी महाराष्ट्र राज्य वखार महामंडळ, एमआयडीसी, नागापूर, अहमदनगर याठिकाणी सकाळी ८ वाजल्यापासून सुरू होणार आहे. या मतमोजणीसाठी सुमारे एक हजार पाचशे अधिकारी, कर्मचाऱ्यांची नियुक्ती करण्यात आली असून मतमोजणीसाठी सर्व निवडणूक यंत्रणा सज्ज असल्याची माहिती निवडणूक शाखेने दिली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.