श्रीगोंदे (अहमदनगर) : शहराजवळील जगतापवस्ती व दत्तवाडी शिवारात बाळू हरी जगताप व अरुण हरी जगताप या दोघा भावांनी शेतातील लिंबोणीच्या बागेत केलेली गांजाची शेती पोलिस उपअधीक्षक अण्णासाहेब जाधव यांच्या पथकाने उद्‍ध्वस्त केली. यावेळी ८९ किलो वजनाची व आठ लाख ९५ हजार रुपये किमतीची गांजाची झाडे जप्त केली.
याप्रकरणी दोन्ही आरोपींना अटक करण्यात आली आहे. पोलिस निरीक्षक रामराव ढिकले यांनी दिलेल्या माहितीनुसार जगताप बंधूंनी त्यांच्या शेतातील लिंबोणीच्या बागेत गांजाची लागवड केली असल्याची माहिती मिळाली. त्यांच्या शेताची पाहणी केली असता, लहान-मोठी १९ गांजाची झाडे आढळून आली. त्यांचे वजन ८९ किलो ५०० ग्रॅम भरले. त्याची किंमत आठ लाख ५५ हजार रुपये आहे.
आरोपींनी निंबोणीच्या बागेतील मोकळ्या जागेत कोणाच्या नजरेत पडणार नाही अशा ठिकाणी गांजाची झाडे लावली होती. श्रीगोंदे पोलिस ठाण्यात पोलिस कॉन्स्टेबल दादा टाके यांच्या फिर्यादीवरुन दोघांवर गुन्हा दाखल करण्यात आला असून, आरोपींना अटक करण्यात आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
