मायलेकी गमावलेल्या कुटुंबास रोहित पवारांचा धीर, दिले आश्वासन

राशीन (जि.अहमदनगर) : ‘साहेब, बायको आणि पोरगी अशी अचानक सोडून गेल्याने माझ्या संसारात अंधार पडला हो... मुलींचे शिक्षण व्हावे, ही बायकोची इच्छा होती... आता मी एकटा काय करणार,’ असे म्हणत पत्नी व मुलीच्या आठवणीने गहिवरलेल्या राजू उकिरडे यांना आमदार रोहित पवार यांनी धीर देऊन सांत्वन केले. (Consolation-of-Ukirde-family-from-MLA-Rohit-Pawar-marathi-news-jpd93)

मुलींच्या शिक्षणासाठी मदत करू

उकिरडे यांच्या पत्नी आशा व मुलगी उमा यांचा विहिरीत पडून मृत्यू झाला. या कुटुंबाची भेट घेत आमदार पवार यांनी सांत्वन केले. मुलींच्या शिक्षणासाठी मदत लागल्यास अवश्य सांगा, असे राजू उकिरडे यांना आश्‍वस्तही केले. कानगुडवाडीचे सरपंच श्याम कानगुडे, पंचायत समितीचे माजी सदस्य संग्राम पाटील, राशीनचे उपसरपंच शंकर देशमुख, माजी सरपंच देविदास उकिरडे यांच्यासह ग्रामस्थ उपस्थित होते.