सबस्क्राईब करा
श्रीरामपूर, (जि. अहमदनगर) : तालुक्यातील बेलापूर येथील अल्पवयीन मुलीसह तिच्यासोबत असलेल्या बेपत्ता तरुणाला पकडण्यात पोलिसांना एक महिन्यानंतर यश आले. असून येथील जिल्हा व सत्र न्यायालयाने आरोपी आयुब सिकंदर शेख (वय २०, रा. बेलापुर) याला पुढील पाच दिवस पोलीस कोठडीत ठेवण्याचे आदेश दिल्याची माहिती पोलीस निरिक्षक संजय सानप यांनी दिली.
दरम्यान, सदर अल्पवयीन मुलीला आज (रविवारी) तीच्या आईच्या स्वाधीन करण्यात आले असून २४ जुलै रोजी तीला फुस लावुन अमिष दाखवुन बेलापुरातुन पळवुन नेले होते. त्यानंतर तिच्या आईच्या फिर्यादीवरुन वरील आरोपी विरोधात शहर पोलीस ठाण्यात गुन्हा दाखल करण्यात आला होता.
त्यानुसार पोलिसांकडुन दोघांचा शोध सुरु होता. मात्र संबधीत आरोपी मोबाईल वापरत नसल्याने त्याचा शोध घेण्यात पोलीसांना अडथळा येत होता. मुलीचा लवकरात लवकर शोध लावण्यासाठी हिंदुत्ववादी संघटनांनी पोलिस ठाण्यात मोर्चा काढुन श्रीरामपूर व बेलापूर बंद पुकरला होता. तर भाजपाचे पदाधिकारी व कार्यकर्त्यांनी बेलापूरात रास्तारोको आंदोलन करुन निषेध नोंदविला होता.
अखेर पोलीस निरीक्षक संजय सानप यांनी मिळालेल्या गुप्त माहितीच्या आधारे धुळे येथील रेल्वे स्थानक परिसरातून अल्पवयीन मुलीसह आरोपी आयुब शेख याला काल (शनिवारी) ताब्यात घेतले होते. त्यानंतर आरोपीला आज येथील जिल्हा व सत्र न्यायालयासमोर हजर केले. असता न्यायालयाने पुढील पाच दिवस आरोपीला पोलीस कोठडी ठेवण्याचे आदेश दिले असून सहायक पोलिस निरीक्षक समाधान पाटील अधिक तपास करीत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
