पारनेर (जि. अहमदनगर) : जुन्नर तालुक्यात पिंपळवंडी येथे प्राथमिक आरोग्य केंद्रात वैद्यकीय अधिकारी पदावर काम करीत असताना अळकुटी प्राथमिक आरोग्य केंद्राच्या वडझिरे उपकेंद्रातही समुदाय अधिकारी म्हणून काम केल्याचे दाखवून, दोन्ही ठिकाणाचे मानधन घेतले. दोन्ही ठिकाणी मानधन घेऊन सरकारची फसवणूक केल्याने डॉ. तेजश्री ढवळे (रा. जवळा) यांच्या विरोधात डॉ. संदीप देठे यांनी फिर्याद दिली.
एकाच वेळी दोन ठिकाणी काम केल्याचे दाखविले
डॉ. ढवळे यांनी तीन ते ३० जून २०२१ दरम्यान प्राथमिक आरोग्य केंद्र, पिंपळवंडी व एक ते ३० जून २०२१ दरम्यान वडझिरे उपकेंद्र येथे एकाच वेळी दोन ठिकाणी काम केल्याचे दाखविले. त्यांनी पिंपळवंडी येथे हे काम केल्याचे दाखवत सरकारकडून ४० हजार रुपये मानधन व अळकुटीअंतर्गत वडझिरे उपकेंद्रात समुदाय अधिकारी म्हणून काम केल्याचे दाखवत ३३ हजार रुपये मानधन घेतले.
याबाबत पारनेर पोलिस ठाण्यात डॉ. ढवळे यांच्या विरोधात फसवणुकीचा गुन्हा दाखल झाला आहे. डॉ. ढवळे यांनी एकाच वेळी दोन ठिकाणी सरकारी नोकरी करून, दोन्ही ठिकाणी मानधन घेऊन सरकारची फसवणूक केली आहे. त्यामुळे मंगळवारी (ता. १२) पारनेर पोलिस ठाण्यात फसवणुकीचा गुन्हा दाखल झाला आहे. याबाबत डॉ. संदीप देठे (वय २८, रा. बहिरोबाची वाडी, किन्ही, ता. पारनेर) यांनी दिली. डॉ. ढवळे यांच्या विरोधात गुन्हा दाखल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
