अहमदनगर : राज्यात कोरोना व्हायरसला रोखण्यासाठी केलेल्या लॉकडाऊनचा अर्थव्यवस्थेवर परिणाम झाला आहे. यात सध्या सुधारणा होत आहे. मात्र, अनेक काम रखडलेली आहेत. घरकुल लाभार्थ्यांचे सुद्धा अनुदान थकले आहे. हे अनुदान मिळावं म्हणून राष्ट्रवादीचे कर्जत- जामखेडचे आमदार रोहित पवार यांनी सामाजिक न्यायमंत्री धनंजय मुंडे यांच्याकडे भेट घेऊन साकडे घातले आहे.
घराचे स्वप्न पाहणाऱ्या अनेक लाभार्थींचे सध्या अनुदान थकल्याने कामे रखडली आहेत. घरकुल मिळावे म्हणून ग्रामपंचायत पात्र लाभार्थ्यांची यादी करते. त्यानंतर सरकार घर बांधण्यासाठी टप्प्या- टप्प्याने अनुदान देते. मात्र, अनुदान थकल्याने लाभार्थ्यांची घराची कामे रखडली आहेत. ही कामे पूर्ण करता यावीत म्हणून आमदार रोहित पवार यांनी अनुदान देण्याची मागणी मंत्री मुंडे यांची केली आहे.
याबाबतची माहिती त्यांनी ट्विट करुन दिली आहे. यामध्ये त्यांनी सामाजिक न्यायमंत्री धनंजय मुंडे यांना टॅग केले आहे. ट्विटमध्ये त्यांनी म्हटले आहे की, ‘राज्यातील आणि माझ्या मतदारसंघातील रमाई आवास योजनेच्या पात्र लाभार्थ्यांना घरांचं बांधकाम करता यावं म्हणून त्यांचं प्रलंबित अनुदान मिळावं. यासाठी सामाजिक न्यायमंत्री धनंजय मुंडे यांची भेट घेतली आहे. याबाबत त्वरित निर्णय घेऊन सहकार्य करण्याचं आश्वासन मंत्री मुंडे यांनी दिलं आहे.
यापूर्वी आमदार पवार यांनी मंत्री धनंजय यांची भेट घेऊन ऊस तोड कामगारांच्या मुलांचा प्रश्‍न सोडवण्याची मागणी केली होती. त्यानंतर हा प्रश्‍न सोडवण्याकडे लक्ष देण्याचे अश्‍वासन मुंडे यांनी दिले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.