राहुरी - मुळा धरणाच्या पाणलोटात हरिश्चंद्रगडावर काल (बुधवारी) पावसाने हजेरी लावली. त्यामुळे आज (गुरुवारी) धरणात पाण्याची आवक वाढली. लहीत खुर्द (कोतूळ) येथे मुळा नदीतून ५ हजार क्यूसेकने आवक सुरू झाली. सायंकाळपर्यंत धरणसाठा ११,७०० (४५ टक्के) दशलक्ष घनफूट झाला.
मुळा धरणाच्या पाणलोट व लाभक्षेत्रात अद्याप मोठ्या पावसाची प्रतीक्षा कायम आहे. धरणाच्या पाणलोट क्षेत्रात हलक्या ते मध्यम स्वरूपाचा पाऊस हजेरी लावत आहे. मुळा नदीतून १० हजार क्यूसेकपेक्षा जास्त पाणी वाहण्यास सुरवात झाल्यावर खऱ्या अर्थाने धरणसाठा झपाट्याने वाढण्यास सुरवात होईल.
धरणाच्या पाणलोटात नदीपात्रातील पाणी मोजण्याचे ठिकाण असलेले लहीत खुर्द ते मुळा धरणादरम्यान नव्वद किलोमीटरचा नदीपात्रातील प्रवास करून पाणी धरणात पोचते. राहुरी, नेवासे, शेवगाव व पाथर्डी तालुक्यांतील तीस ते चाळीस हजार हेक्टर क्षेत्रावर सिंचन होत असल्याने, शेतकऱ्यांच्या नजरा धरणाच्या पाणीपातळीकडे वेधल्या आहेत. येत्या चार-पाच दिवसांत धरणाच्या पाणलोटात संततधार सुरू राहिली तर, धरण वेगाने पन्नास टक्के भरण्याची चिन्हे आहेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
