टाकळी ढोकेश्वर : ग्रामीण भागाच्या विकासासाठी राज्यातील तत्कालीन महाविकास आघाडी सरकारने भरभरून निधी दिला. सध्याचे सरकार मात्र विविध कामांना स्थगिती देऊन विरोधकांची कामे थांबविण्याचा प्रयत्न करीत आहे. शिंदे-फडणवीस सरकार विरोधी आमदारांच्या हक्कांवर गदा आणून राजकारण करत आहे, अशी टीका आमदार नीलेश लंके यांनी केली.
ढवळपुरी (ता. पारनेर) येथे भोंडवे वस्ती येथील पाझर तलाव दुरुस्तीच्या कामाचा आमदार लंके यांच्या हस्ते प्रारंभ करण्यात आला. त्यावेळी ते बोलत होते. आमदार लंके यांच्या पुढाकारातून या कामासाठी २३ लाख २२ हजार रुपयांचा निधी मंजूर करण्यात आला आहे. यावेळी भागाजी गावडे, सुखदेव चितळकर, अजित सांगळे, मच्छिंद्र व्यवहारे, संभाजी ढेकळे, संतोष साळवे, बबन नऱ्हे, मंजाबापू चौधरी, तुषार साळवे यांच्यासह ग्रामस्थ उपस्थित होते.
आमदार लंके म्हणाले, की लोकप्रतिनिधींच्या अधिकारावर गदा आणून हे सरकार राजकारण करीत आहे. सत्ताधा-यांनी कितीही राजकारण आडवे आणले तरी आपण मात्र निधी खेचून आणण्यात कोठेही कमी पडणार नाही. ग्रामीण भागाच्या विकासासाठी महाविकास आघाडीचे सरकार आवश्यक आहे, असंही ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
