सोनई (जि. अहमदनगर) : नेवासे बाजार समितीच्या घोडेगाव उपबाजारात तीन, चार महिन्यांपासून दोन हजाराच्या आसपास रखडलेला कांद्याचा भाव आजच्या लिलावात वाढला. एक नंबर कांदा ४१०० रुपये क्विंटल दराने विकल्याने शेतकऱ्यांचा चेहरा खुलला.
पावसाने उघड दिल्याने पहाटे पासूनच कांदा गोण्यांची आवक सुरु झाली होती. अकरा वाजता प्रत्यक्ष कांदा लिलाव सुरु झाले. सुरुवातीच्या एक तासात २५०० ते ३००० हजाराचा भाव निघाला. यानंतर बरेच वक्कल साडेतीन हजाराच्या पुढे गेले. काही वक्कलास चार हजार ते बेचाळीसशेचा भाव मिळाला. वीस दिवसात भाव दुपटीने वाढले. अडीच हजार ते सत्ताविसशेच्या भावात दुपटीने वाढ झाल्याने बळीराजा सुखावला. एक नंबर कांद्यास ४२०० रुपये, मध्यम कांद्यास ३२०० ते ३७००, तीन नंबर कांद्यास ३००० ते ३५०० तर गोल्टी कांद्यास दोन ते अडीच हजाराचा भाव मिळाला.
१९०० ते २२०० जोड कांद्यास एक हजाराच्या दरम्यान भाव मिळाला. आजच्या लिलावात आठ कोटी १५ लाखांची उलाढाल झाली, असे सचिव देवदत्त पालवे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
