पारनेर : अहिल्यानगर-पुणे महामार्गावर सुप्याजवळील म्हसणे फाटा (ता. पारनेर) येथे सुमारे २५ कोटी रुपयांचे सोने पकडल्याने जिल्हाभर खळबळ उडाली आहे. निवडणूक शाखेचे अधिकारी व पारनेर पोलिसांनी आज सकाळी संयुक्तपणे ही कारवाई केली. दरम्यान, नेमके किती सोने पकडले? हे सोने कोठून आले? याबाबत अधिकृत माहिती देण्यास संबंधित अधिकाऱ्यांनी नकार दिला. रात्री उशिरापर्यंत पकडलेल्या सोन्याची मोजदाद सुरू होती.