पारनेर - राज्याचे तीन माजी मुख्यमंत्री एका माजी मुख्यमंत्र्यांना विरोध करत आहेत. मात्र लक्षात ठेवा मराठा समाजाला न्याय देण्याचे काम फक्त देवेंद्र फडणवीस यांनीच केले होते. तसेच आताही महायुतीचे सरकार न्यायालयीन लढाई लढून मराठा समाजाला आरक्षण दिल्याशिवाय राहाणार नाही, असे प्रतिपादन खासदार डॉ. सुजय विखे पाटील यांनी केले.
पारनेर येथे आज भाजप कार्यालयाचे उद्‍घाटन व ‘घर चलो’ अभियानाचा प्रारंभ पक्षाचे प्रदेश सरचिटणीस विजय चौधरी यांच्या हस्ते व डॉ. विखे यांच्या अध्यक्षतेखाली करण्यात आला. त्यावेळे ते बोलत होते. यावेळी प्रदेश कार्यकारिणी सदस्य विश्वनाथ कोरडे, जिल्हाध्यक्ष दिलीप भालसिंग, माजी जिल्हाध्यक्ष भानुदास बेरड, बाबासाहेब वाकळे, युवा नेते राहुल शिंदे, तालुकाध्यक्ष सुनील थोरात, सचिन वराळ, बाबासाहेब तांबे, वसंत चेडे, सुभाष दुधाडे, अमोल मैड, युवराज पठारे, ऋषी गंधाडे, अशोक चेडे, दिनेश बाबर, किरण कोकाटे, सोनाली सालके, प्रशांत औटी, विश्वास रोहकले, संभाजी आमले आदी उपस्थित होते.
डॉ. विखे म्हणाले की, जालना येथील लाठीहल्ल्याची घटना समर्थनिय नाही. या घटनेची चौकशी करून दोषींवर कारवाई व्हावी. तत्कालीन मुख्यमंत्री देवेंद्र फडणवीस यांनीच मराठा समाजाला आरक्षण देऊन न्याय देण्याचे काम केले होते. आताही महायुतीचे सरकारच मराठा समाजाला आरक्षण दिल्याशिवाय राहाणार नाही. माझा जनसंपर्क कमी असला, तरी मी गेल्या ५० वर्षांत जेवढी कामे झाली नाहीत व आगामी ५० वर्षे लोक सुखाने जगतील, अशी कामे मी केली आहेत.
सुप्याला दुय्यम निबंधक कार्यालय तसेच बसस्थानकासाठी आडीच कोटी रुपये दिले असल्याचा त्यांनी आवार्जून उल्लेख केला.
चौधरी म्हणाले की, पंतप्रधान नरेंद्र मोदी यांच्यामुळे भारत जगाचा विश्वगुरू बनला आहे. तसेच काहींची दुकानदारी बंद झाली आहे. मागील साडेनऊ वर्षांत मोदी सरकारमधील एकाही मंत्र्यावर भ्रष्टाचाराचा आरोप नाही. त्यांनी देशाला दहशतवाद मुक्त केला आहे. प्रास्ताविक कोरडे यांनी, तर सूत्रसंचलन सागर मैड यांनी केले.
सत्तेची अपेक्षा ही सर्वसामान्यांच्या कल्याणासाठी असावी. आम्ही मतदासंघातील गरीब व गरजू तीनशे मुलांना दत्तक घेऊन त्यांना एमपीएससी व यूपीएससीचे मोफत मार्गदर्शन करणार आहोत. राज्यात जोपर्यंत चांगला पाऊस पाऊस पडणार नाही, तो पर्यंत सत्कार स्वीकारणार नाही.
- डॉ. सुजय विखे पाटील, खासदार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.