अहमदनगर : राहुरी येथील पत्रकार हत्या प्रकरणातील मुख्य आरोपी जिल्हा रुग्णालयातून पळून गेल्याने एकच खळबळ माजली. या प्रकरणी दोन पोलिसांवर निलंबनाची कारवाई जिल्हा पोलिस अधीक्षकांनी केली.
आरोपी होता रुग्णालयात दाखल
राहुरी येथील पत्रकार रोहिदास दातीर यांच्या हत्या प्रकरणामध्ये पोलिसांनी सुरवातीला तीन जणांना अटक केली होती. या घटनेतील मुख्य आरोपी कान्हू मोरे याला महिनाभरानंतर पोलिसांनी अटक केली होती. मोरे याला अटक केल्यानंतर, काही त्रास जाणवू लागल्यामुळे त्याला अहमदनगर येथील शासकीय रुग्णालयात उपचारासाठी दाखल करण्यात आले होते. त्याच्यावर उपचार सुरू असतानाच तो जिल्हा रुग्णालयातून पोलिसांची नजर चुकवून पळून गेला होता.
आरोपीचे पलायन; दोन पोलिसांचे निलंबन
राहुरी येथील पत्रकार रोहिदास दातीर यांच्या हत्या प्रकरणातील मुख्य आरोपी जिल्हा रुग्णालयातून पळून गेल्याप्रकरणी दोन पोलिसांवर निलंबनाची कारवाई जिल्हा पोलिस अधीक्षक मनोज पाटील यांनी केली. पोलिस नाईक भगवान किसन पालवे, पोलिस शिपाई गणपत जयवंत झरेकर, अशी निलंबित केलेल्या पोलिसांची नावे आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
