राज्याच्या राजकारणात रोज नवीन घडामोडी घडत आहेत. कालचे विरोधक आज एकत्र येत असल्याचे चित्र आहे. आघाडीत किंवा युतीत असणारे नेते एका रात्रीत विरोधात गेल्याचे चित्र आहे. कोणता नेता कुणासोबत जाईल याचा काही नेम नाही. त्यामुळे दोन वेगवेगळ्या पक्षांचे नेते एकत्र आले तरी, अनेकांच्या भुवया उंचावतात. अशात आता राजकीय विरोधक असलेल्या दोन नेत्यांचा फोटो एकत्रित झळकलेल्या बॅनरची चर्चा सुरू झाली आहे.
अहमदनगर जिल्ह्याच्या राजकारणात विखे आणि पवार या घराण्यांचं एकमेकांवर हल्लाबोल राजकारणाच्या माध्यमातून नेहमीच समोर येत असतं. सुजय विखे पाटील हे भाजपकडून खासदार झाल्यानंतर त्यांनी जामखेड मतदारसंघात येऊन रोहित पवार यांच्यावर टीका केली होती.
रोहित पवारही वेळोवेळी भाजपवर निशाणा साधत असताना खासदार या नात्याने सुजय विखे पाटील यांच्यावर टीका करत असतात. मात्र अशातच शरद पवार गटाचे नेते आमदार रोहित पवार यांच्या बॅनरवर भाजप खासदार सुजय विखे यांचा फोटो लागला आहे. यावर सुजय विखे यांची पहिली प्रतिक्रिया समोर आली आहे.
'राजकारणामध्ये कटुता न ठेवता विकासासाठी एकत्र यावं लागतं असं खासदार सुजय विखे यांनी म्हंटलं आहे. ते अहमदनगरमध्ये बोलत होते.
'कुणी कुणाचा फोटो लावायचा हा त्याचा वैयक्तिक प्रश्न असतो. कार्यकर्ते कुणाचा फोटो लावतात हे काय कुणाला विचारून लावत नाहीत. एक काळ असा होता माझे फोटो कोणी लावत नव्हतं, आज सगळेच लावतात. हा वैयक्तिक प्रश्न असतो, मात्र विकासाच राजकारण करताना एकत्र यावं लागतं तेव्हाच विकास होतो', असंही विखे म्हणाले आहेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
