पोलीस भरती : परीक्षा केंद्राचा, नावाचा घोळ; परीक्षार्थी संभ्रमात

पारनेर : महाराष्ट्र राज्य पोलीस रिक्रूमेंट मार्फत आज (ता. ११ ) घेण्यात येणा-या परीक्षा केंद्राचा पत्ता आणि नावात चूक झाल्याने अनेक मुलांची ससे होलपट होत असून , त्यातच एसटी बसही बंद असल्याने अनेकांचे प्रचंड हाल झाले आहेत. तसेच अनेकांची परीक्षा देण्याच संधीही हुकणार आहे, त्यामुळे यास जबाबदार कोण ? आता ही परीक्षा देण्याची पुन्हा संधी या तरूणांना मिळणार की नाही असा प्रश्न निर्माण झाला आहे.

या बाबत माहीती अशी की, आज महाराष्ट्र राज्य पोलीस रिक्रूमेंट मार्फत जेल पोलीस शिपाई पदासाठी परीक्षा होत आहे. या परीक्षेसाठी राज्यात विविध ठिकाणी सेंटर दिले गेले आहेत. नगर जिल्ह्यातील पारनेर तालुक्यात सुपे येथील एमईटी इंग्लिश मिडीयम स्कूल हे या परीक्षेसाठी केंद्र नियुक्त केले आहे. मात्र परीक्षार्थी मुलांच्या प्रवेश पत्रावर माऊली इंग्लीश मिडीयम स्कूल पारनेर असा पत्ता लिहला आहे. त्यामुळे परीक्षार्थी थेट पारनेर येथे पोहचत आहेत. तेथे ही शाळाचं नसल्याने त्यांच्यात मोठा संभ्रम निर्माण झाला आहे. या शिवाय या नावाची शाळा तालुक्यातच नाही असाही संभ्रम काहींचा झालेला आहे. त्यातच राज्यभरातून आलेल्या मुलांना हा परीसर नवीन आहे. आणि सध्या एसटी बसेस चा संप असल्याने आता परीक्षार्थीना पारनेर येथून सुपे येथे कसे जायचे अशी अडचण निर्माण झाली आहे.

एमईटी इंग्लिश मिडीयम स्कूल ने परीक्षा केंद्रासाठी फक्त आठ वर्ग खोल्या उपलब्ध करून दिल्या आहेत. प्रत्येक खोलीत २४ परीक्षार्थी या प्रमाणे १९२ परीक्षार्थींची बैठक व्यवस्था आहे व तेवढ्याच मुलांचे सेंटर द्यावे अशी मागणी केली गेली होती. मात्र परीक्षा घेणा-या आयोजकांनी त्यांना थेट २० क्लास ची सोय कऱण्यास सांगीतले आहे व ४८० मुलांची परीक्षा बाबत संबधीत परीक्षा घेणा-या विभागाशी संपर्क करण्याचा प्रयत्न केला असता होऊ शकला नाही.शाळेला त्यामुळे येथे थेट मैदानावर खुर्ची व टेबल टाकून काही मुलांची परीक्षेसाठी सोय करावी लागली आहे.

सौजन्य म्हणून आम्ही पारनेर येथे चुकीने गेलेल्या मुलांना पारनेर येथून सुपे येथे येण्यासाठी आम्ही आमच्या शाळेच्या पाच बस पारनेर येथे पाठविल्या आहेत. तेथून मुलांना मोफत आणण्याची सोय केली आहे. तसेच पारनेर बसस्थानकावर तसा फलकही लावला आहे

-अनिकेत पठारे, अध्यक्ष एमईटी इंग्लिश मिडीयम स्कूल सुपे.