Tomato News : दोन महिन्यांपूर्वी टोमॅटोला उच्चांकी भाव मिळत होता, मात्र आता अवघा तीन ते चार रुपये किलो भाव मिळत आहे. यामुळे शेतकरी मोठ्या संकटात सापडले आहेत.
खंदरमाळ गावांतर्गत असलेल्या माहुली येथील शैलेश गाडेकर यांनी टोमॅटोला चांगला भाव मिळत असल्याने जुलै महिन्यात जवळपास एक एकर क्षेत्रात मल्चिंग पेपरवर लागवड केली होती. पाणीटंचाई असतानादेखील त्यांनी पिकाची चांगली काळजी घेतली. टोमॅटो तोडणी सुरू होऊन दहा ते बारा दिवस झाले, मात्र आता याच सोन्यासारख्या टोमॅटोला अवघा तीन ते चार रुपये किलोचा बाजारभाव मिळत आहे. त्यामुळे गाडेकर यांनी डोक्यालाच हात लावला आहे. झालेला खर्चही वसूल होतो की नाही, असा प्रश्न निर्माण झाला आहे.
दोन महिन्यांपूर्वी याच टोमॅटोला उच्चांकी भाव मिळत होता म्हणून हे पीक घेतले, पण भाव कोसळल्याने पिकावर झालेला खर्च अंगलट येणार असल्याची व्यथा या तरुण शेतकऱ्याने मांडली आहे. सध्या पावसाने दडी मारल्याने दुष्काळसदृश परिस्थिती निर्माण झाली असून, अनेक गावांसह वाड्या-वस्त्यांवर पिण्याचे पाण्याचे टँकर सुरू आहे.
अशा कठीण स्थितीतही पिंपळगाव देपा, खंडेरायवाडी आदी गावांमधील शेतकऱ्यांनी खासगी टँकरद्वारे विकतचे पाणी आणून टोमॅटोचे फड जगवले आहेत. पण भाव घसल्याने उत्पादक शेतकरी संकटात सापडले आहेत.
दुष्काळसदृश स्थिती आहे तरीही चांगलाभाव मिळे म्हणून टोमॅटोचे पीक घेतले. मात्र, आज प्रतिकिलोस तीन ते चार रुपये भाव मिळत आहे. यामुळे टोमॅटो पिकावर झालेला खर्चही वसूल होणार नाही.
- शैलेश गाडेकर, टोमॅटो उत्पादक, माहुली
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
