चाळीस वर्षे वाट पाहिली ः नागापूर, बोल्हेगावला फेज २ चे पाणी

अहमदनगरः मी महापौर असताना केंद्र सरकारच्या माध्यमातून फेस २ पाणी योजना मंजूर करून आणली. शहरामध्ये विविध ठिकाणी पाण्याच्या टाक्या तयार केल्या. आता शहराची फेज २ पाणी योजना अंतिम टप्प्यात आली आहे. काही भागाची फेज २ पाणी योजना सुरू केली असून यामध्ये आज नागापूर, बोल्हेगाव परिसरातील नागरिकांना फेज २ पाणी योजनेद्वारे पाणीपुरवठा केला जाणार आहे. चाळीस वर्षांचा पाणीप्रश्न मिटणार असल्याचे आमदार संग्राम जगताप यांनी सांगितले. (Water from Phase Scheme to Bolhegaon, Nagapur)

मुळा धरणा वरून पाणी उपसा करणाऱ्या अमृत पाणी योजनेचे कामही लवकरच मार्गी लागेल. नगर शहराचा पुढील चाळीस वर्षाचा पाणी प्रश्न मिटणार असल्याचेही त्यांनी सांगितले. नागापूर बोल्हेगाव परिसराचा फेज २ पाणी योजनेचा प्रारंभ आमदार संग्राम जगताप यांच्या हस्ते झाला. यावेळी महापौर बाबासाहेब वाकळे, नगरसेवक कुमार वाकळे, नगरसेवक डॉ. सागर बोरुडे, नगरसेवक ॲड. राजेश कतोरे, सरपंच दत्ता सप्रे, हनुमान कातोरे, भीमसेन कोलते महाराज आदी उपस्थित होते.

नगरसेवक कुमार वाकळे म्हणाले, नागापूर-बोल्हेगाव परिसराचा पाणीप्रश्न अनेक वर्षापासून प्रलंबित होता, हा प्रश्न सुटावा यासाठी महापालिका प्रशासन व आमदार संग्राम जगताप यांच्याकडे पाठपुरवठा केल्या. त्यामुळे आज हा पाणी प्रश्न मार्गी लागला आहे.

कोरोना अजूनही गेलेला नाही. नागरिकांनी स्वत:ची व कुटुंबियांनी काळजी घ्यावी. सार्वजनिक ठिकाणी जाताना सॅनिटायझर, मास्कचा वापर करावा.

- संग्राम जगताप, आमदार(Water from Phase Scheme to Bolhegaon, Nagapur)