पाथर्डी (जि. अहमदनगर) : बाजार समितीत भूखंड देतो असे सांगून आपल्यावर समितीतील पदाधिकारी महिलेच्या पतीने दोन वेळा अत्याचार केल्याचा गुन्हा एका महिलेने दाखल केल्यानंतर या प्रकरणातील आरोपी राजेंद्र विलास गर्जे (रा. पागोरी पिंपळगाव) याला गुन्हे अन्वेषण विभागाने अटक करत न्यायालयासमोर उभे केले.
न्यायालयाने गर्जेला (ता.२९) न्यायालयीन कोठडीत ठेवण्याचे आदेश दिले आहेत. बाजार समितीने आपल्या मालकीच्या भूखंडाचे लिलाव पद्धतीने वाटप करण्याची जहिरात एका वृत्तपत्रात दिल्यानंतर आपल्याला भूखंड मिळावा, असा अर्ज तालुक्यातील कोल्हार येथील एका महिलेने केला होता. या नंतर या महिलेने (ता. तीन) रोजी समितीतील पदाधिकारी महिलेच्या पतीने आपल्यास भूखंड देतो असे सांगून पाथर्डी येथे एकदा व आपण राहत असलेल्या कोल्हार येथील घरी एकदा असा दोन वेळा अत्यचार केला.
गर्जे यांनीही त्या अगोदर कोल्हार येथील एक महिला व तिचा साथीदार आपल्याला भूखंड प्रकरणावरून दहा लाख रुपये खंडणी मागत असल्याची परस्पर विरोधी तक्रार पो.स्टे.ला दाखल केली होती. या तक्रारीनंतर प्राथमिक शिक्षक असलेला गर्जे हा फरार होता. मात्र, गुन्हे अन्वेषण विभागाने त्याला ताब्यात घेत पाथर्डी पोलिसांच्या ताब्यात दिल्यानंतर गर्जे याला न्यायमूर्ती ए. एस. बिराजदार यांच्या समोर उभे केले असता न्यायालयाने त्याला येत्या २९ ऑक्टोबरपर्यंत न्यायालयीन कोठडीत ठेवण्याचे आदेश दिले. या प्रकरणाचा तपास सहायक पोलीस निरीक्षक श्रीकांत डांगे हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
