अकोला : महिलांच्या गळ्यातील दागिणे चोरी करणाऱ्या अकोल्यातील ‘बंटी बबली’ला स्थानिक गुन्हे शाखेच्या पथकाने जेरबंद केले आहे. मोटारसायकलने येऊन मॉर्निंग वॉकला निघालेल्या महिल्यांच्या गळ्यातील दागिण्यांवर ही जोडी हात साफ करीत होती. तीन गुन्ह्यातील मुद्देमालही या जोडीकडून जप्त करण्यात आला आहे.
डाबकी रोड पोलिस स्टेशन येथे ता. ४ सप्टेंबर रोजी अयोध्या नगर डाबकी रोड येथील रहिवासी शोभा अनिल वानखडे यांनी तक्रार दिली. त्या मॉर्निंग वाक करीत असताना अनोळखी आरोपीने मोटारसायकलने येवून त्यांचे गळ्यातील सोन्याची चैन जबरीने तोडून पळ काढला. त्यानुसार गुन्हा दाखल करण्यात आला होता. या गुन्ह्याचा तपास स्थानिक गुन्हे शाखा, अकोला येथिल सहायक पोलिस निरीक्षक नितीन चव्हाण व त्यांचे तपास पथकातील कर्मचारी यांनी सुरू केला होता. त्यांनी तांत्रिक विश्लेशणाचे व गोपनिय माहितीच्या आधारे आरोपींना जेरबंद केले.
खडकी परिसरातील रहिवाशी प्रकाश भानुदास लोंढे (३०) व चांदूर येथील गजानन नगरात राहणारी शोभा अशोक कोरडे (३४) या ‘बंटी बबली’ला ता. १४ सप्टेंबर २०२१ रोजी ताब्यात घेतले. त्यांनी केलेल्या गुन्ह्याची कबुली दिली. सखोल विचारपुस केल्यानंतर या बंटी बबलीने खदान व जुने शहर पोलिस स्टेशन येथे दाखल गुन्ह्यांचीही कबुली दिली. तिन्ही गुन्ह्यातील चोरीस गेलेला एकूण एक लाख नऊ हजार रुपयांचा मुद्देमालही पोलिसांनी जप्त केला आहे.
आरोपींना तपासासाठी डाबकी रोड पोलिसांच्या ताब्यात देण्यात आले आहे. ही कारवाई पोलिस अधीक्षक जी. श्रीधर, अप्पर पोलिस अधीक्षक मोनिका राऊत यांचे मार्गदर्शनाखाली स्थानिक गुन्हे शाखेचे पोलिस निरीक्षक संतोष महल्ले, सपोनि. नितीन चव्हाण, सपोउपनि. गोपीलाल मावळे, राजपाल ठाकुर, गणेश पांडे, संदीप काटकर, फिरोज शेख, शक्ती कांबळे, विरेंद्र लाड, गीता अवचार, अविनाश मावळे, विजय कबले यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
