मलकापूर (जि. बुलडाणा) : शहरातील मुक्ताई नगर रोडवरील सुभाषचंद्र बोस नगरमध्ये पोटच्या मुलीने, चुलत भावाच्या मदतीने गृहकलहातून बापाचा निर्घृण खून केल्याची घटना (ता.८) रात्री घडली. याबाबतची फिर्याद मृतकाच्या मुलीने शहर पोलिस स्टेशनला दिली आहे.
माझी मोठी बहीण लक्ष्मी रावणचवरे हिचे तीन वेळा लग्न झाले असून सासरी पटत नसल्याने ती माहेरीच राहत होती व (ता.८) रात्री ८ वाजेदरम्यान मी सासरी जाणार नसून, माहेरीच राहणार असल्याचे तिने वडील गुलाब रावणचवरे यांना सांगितले. पण आमची बदनामी होईल अजून तुझ्या दोन्ही बहिणींचे लग्न राहिले असून तू इथे न राहता सासरी रहा किंवा कोठेही रहा असे वडिलांनी तिला समजावून सांगितले.
मात्र, मी इथेच राहणार असे म्हणून तिने वडीलांशी वाद घातला. लक्ष्मी व तिच्या सोबत आलेला चुलत भाऊ प्रकाश साहेबराव रावणचवरे या दोघांनी वडिलांच्या छातीवर धारदार चाकूने सपासप वार करुन त्यांना ठार मारले, अशी फिर्याद वैष्णवी गुलाब रावणचवरे हिने शहर पोलिस स्टेशनला दिल्यावरुन पोलिस निरीक्षक प्रल्हाद काटकर यांनी ए.पी.आय सुखदेव भोरकडे, पो.उप.नि. विश्वजीत ठाकूर, पो. उप. नि. रतनसिंह बोराडे, पोलिस ताफ्यासह घटनास्थळी पोहोचले. पोलिसांनी दोघा आरोपींना ताब्यात घेतले असून पुढील तपास पो.उप.नि. रतनसिंह बोराडे करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
