अकोला : बोलेरो पिकअपच्या धडकेत ग्रामसेवकाचा मृत्यू

बुलडाणा : चिखली ते बुलडाणा मार्गावर हातनी गावाजवळ आज रात्री पावणेआठ वाजेदरम्यान भरधाव बोलोरो पिकअपने ग्रामसेवकाच्या दुचाकीला धडक दिली. यात त्यांचा जागीच मृत्यू झाला. राम नामदेवराव बाहेकर ( ३५ , रा . किन्होळा , ता . चिखली ) असे अपघातात मृत्यू झालेल्या व्यक्तीचे नाव आहे . ते खामगाव पंचायत समितीत कार्यरत होते .

त्यांच्या वडिलांचेही अपघातात निधन झाल्याने वडिलांच्या जागेवर अनुकंपा तत्वावर त्यांना ग्रामसेवकाची नोकरी मिळाली होती . ते खामगावकडून किन्होळा येथे परतत असताना बुलडाण्याकडून चिखलीकडे भाजीपाला घेऊन जाणाऱ्या बोलेरो पिकअपने बाहेकर यांच्या दुचाकीला जोरदार धडक दिली . बोलेरो पिकअपचा चालक घटनास्थळी वाहन सोडून पसार झाला . अपघाताची माहिती मिळताच चिखली पोलिसांनी घटनास्थळी धाव घेतली. याप्रकरणी रात्री उशिरापर्यंत कार्यवाही सुरू होती.