Akola Lok Sabha Election: ‘मविआ’च्या निर्णयाकडे लक्ष; मविआ आणि वंचित एकत्र आले नाही तर तिंरगी लढत होण्याची शक्यता

Akola Lok Sabha Election: भाजप व वंचित बहुजन आघाडीचा उमेदवार निश्चित झाला आहे. ‘मविआ’चा अद्याप वंचित बहुजन आघाडीसोबत जाण्याचा निर्णय झाला नाही. त्यामुळे ‘मविआ’कडून कोणता पक्ष लढेल याबाबत साशंकता आहे. अकोला लोकसभा क्षेत्रात अकोला पूर्व, पश्चिम, अकोट, मूर्तिजापूर, बाळापूर व रिसोड मतदारसंघ येतात. पैकी रिसोडमध्ये काँग्रेस, तर बाळापूर विधानसभेत ठाकरे गटाचे आमदार आहेत. अन्य चार ठिकाणी भाजप आहे. अकोल्यात ‘वंचित’ला ‘मविआ’ची साथ न मिळाल्यास डॉ. आंबेडकरांसमोर भाजपचे अनुप धोत्रे यांचे आव्हान असेल. तर मविआ आणि वंचित एकत्र आले नाही तर तिंरगी लढत होण्याची शक्यता आहे,

२०१९चे चित्र

संजय धोत्रे (भाजप) विजयी मते : ५,५४,४४४

ॲड. प्रकाश आंबेडकर (वंचित बहुजन आघाडी) मते : २,७८,८४८

हिदायत पटेल (काँग्रेस) मते : २,५४,३७०

भाई बी. सी. कांबळे (बसप) मते : ७,७८०

विजयी उमेदवारांचे मताधिक्य : २,७५,५९६

वर्चस्व

२००४ : भाजप

२००९ : भाजप

२०१४ : भाजप

२०१९ : भाजप

सद्य:स्थिती

काँग्रेसकडून डॉ. अभय पाटील व ठाकरे गटाकडून गजानन दाळू गुरुजी लढवू शकतात.

भाजपने खासदार पुत्र अनुप धोत्रे यांच्या माध्यमातून रणशिंग फुंकले आहे.

अकोला लोकसभा मतदारसंघात १९८४ पासून झालेल्या लोकसभा निवडणुकीत ॲड. आंबेडकर हे रिंगणात उतरले होते.

मराठा पाटील, कुणबी व मुस्लिम समाजाची मते निर्णायक ठरणार आहेत.

हे प्रभावी मुद्दे

एमआयडीसी व ग्रामीण भागातील विकासकामांचा प्रश्‍न

अकोट-अकोला या रखडलेल्या रस्त्यांसह अपुऱ्या सिंचनाच्या सुविधा या मुद्द्याचा निवडणुकीवर प्रभाव शक्य

अकोला येथील महानगरपालिका हद्दवाढीमधील विकास