अकोला : महात्मा ज्योतिराव फुले शेतकरी कर्जमुक्ती योजनेची जिल्ह्यात अंमलबजावणी सुरू असून योजनेअंतर्गत जिल्ह्यातील ८ जानेवारी अखेर ४ हजार १३५ खातेदारांचे आधार प्रमाणिकरण झालेले नाही. अशा पात्र लाभार्थ्यांनी आधार प्रमाणिकरण तातडीने करण्याचे आवाहन जिल्हा उपनिबंधक कार्यालयाचे सहाय्यक निबंधक एस.डब्ल्यू. खाडे यांनी केले आहे.
लाभार्थी शेतकऱ्यांची प्राप्त झालेली नवीन यादी बँकेत उपलब्ध करुन देण्यात आली आहे. तरी सर्व जिल्ह्यातील लाभार्थी यादीतील आधार प्रमाणीकरण न झालेल्या या सर्व पात्र शेतकऱ्यांनी आपले संबंधित बँकेशी संपर्क साधून आपले नाव सातव्या यादीमध्ये आलेले असल्यास जवळच्या सी.एस.सी. किंवा आपले सरकार सेवा केंद्र येथे जाऊन आधार प्रमाणिकरण करुन घ्यावे.
आधार प्रमाणिकरण संदर्भात काही अडचणी असल्यास आपल्या बॅंकेचे शाखा व्यवस्थापक, सेवा सहकारी संस्थेचे सचिव, तालुका उपसहाय्यक निबंधक, सहकारी संस्था कार्यालय, जिल्हा उपनिबंधक, सहकारी संस्था अकोला कार्यालयाशी संपर्क साधावा, असेही आवाहन करण्यात आले आहे.
(संपादन - विवेक मेतकर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.