पत्नी व मुलाने धारदार शस्त्राने केला खून, दोघे आरोपी पोलिसांच्या ताब्यात

मोताळा (जि.बुलडाणा) : एका ४५ वर्षीय व्यक्तीचा पत्नी व मुलाने धारदार हत्याराने खून केल्याची खळबळजनक घटना रविवारी (ता.६) रात्री साडे दहा वाजताच्या सुमारास गोशिंग येथे घडली.

याप्रकरणी बोराखेडी पोलिसांनी दोघा आरोपींविरुद्ध गुन्हा दाखल करून त्यांना ताब्यात घेतले आहे.

• बापरे!; पहाटे साडेपाच वाजता शासकीय बालसुधारगृहात दोन अल्पवयीन मुलांनी केली आत्महत्या

सविस्तर असे की, बोराखेडी पोलिस ठाण्यांतर्गत गोशिंग येथील ४५ वर्षीय व्यक्तीला दारूचे व्यसन होते. संबंधीत व्यक्ती रविवारी रात्री दारू पिल्याने पत्नी व मुलासोबत भांडण झाले.

या भांडणाच्या कारणावरून मुलाने आईच्या मदतीने स्वतःच्या वडिलांच्या मानेवर धारदार हत्याराने वार करून त्याची निर्घृण हत्या केली.

• अमरावती शिक्षक मतदारसंघ; पैठणी गाजली पण, प्रस्थापितांना घाम फोडणारे किरण सरनाईक आहेत कोण?

माहिती मिळताच बोराखेडीचे पोलिस निरीक्षक माधवराव गरुड, एपीआय राहुल जंजाळ व सहकाऱ्यांनी घटनास्थळी धाव घेतली. याप्रकरणी बोराखेडी पोलिसांनी दोघा आरोपींविरुद्ध खुनाचा गुन्हा दाखल करून त्यांना ताब्यात घेतले आहे.

• आरपीआय नेत्याच्या वाढदिवसाच्या पार्टीत राडा, सात जणांना अटकः तीन आरोपी फरार

या घटनेमुळे परिसरात एकच खळबळ उडाली आहे. पुढील तपास बोराखेडी पोलिस करीत आहेत.

(संपादन - विवेक मेतकर)