अकोला: शहरातील कौलखेड येथील स्वाती सुरेशराव मांडवे यांच्या द्वारे संचालित आरव शिवभोजन केंद्रात भोजनाचा दर्जा कमी असल्याने सदर शिवभोजन केंद्राची परवानगी रद्द करण्याचे आदेश जिल्हाधिकारी निमा अरोरा यांनी ६ जून रोजी बजावले.
या शिवभोजन केंद्राची जिल्हा पुरवठा अधिकारी बी.यू. काळे यांनी पाहणी केली होती. त्यामध्ये गंभीर त्रुट्‍या आढळल्याने शिवभोजन केंद्र रद्द करण्यात आले आहे.
शहरातील कौलखेड येथे स्वाती सुरेशराव मांडवे यांना आरव शिवभोजन केंद्र चालवण्यात शासनाने मंजूरी दिली होती. या शिवभोजन केंद्राची २४ मे २०२३ रोजी जिल्हा पुरवठा अधिकारी बी.यू. काळे यांनी आकस्मिक तपासणी केली.
तपासणी दरम्यान शिवभोजन केंद्रावर स्वयंपाक होत नसल्याचे दिसून आले. स्वच्छता दिसून आली नाही. वरण, पोळी, भाजी ची गुणवत्ता कमी दर्जाची व प्रमाणशिर दिसून आली नाही. सीसीटीव्ही बंद होते व मॉनिटर उपलब्ध नव्हते.
अन्न व औषधी विभागाचे प्रमाणपत्र दर्शनी भागावर आढळून आले नाही. शिवभोजन केंद्र शासन नियमानुसार वर्दळीच्या ठिकाणी दिसून आले नाही. त्यामुळे केंद्र संचालक स्वाती मांडवे यांना जिल्हा पुरवठा अधिकारी यांनी नोटीस बजावली होती.
नोटीसचे उत्तर देत स्वाती मांडवे हिने शिवभोजन केंद्र चालविणे शक्य नसल्याचे सांगत ते रद्द करण्याची विनंती केली होती. त्यामुळे याबाबतचा प्रस्ताव पुरवठा विभागाने तयार करून जिल्हाधिकारी यांच्याकडे पाठवला असता जिल्हाधिकारी यांनी सदर केंद्राचा परवाना रद्द करण्याचे आदेश बजावले.
कौलखेड येथील आरव शिवभोजन केंद्रात भोजनचा दर्जा अतिशय खालावल्याचे दिसून आले. त्यासोबतच शिवभोजन केंद्रात इतरही त्रृट्‍या होत्या. त्यामुळे सदर केंद्राचा परवाना रद्द करण्यात आला.
- बी.यू. काळे,
जिल्हा पुरवठा अधिकारी, अकोला
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
