दिवाळीपूर्वी वेतनात अडचणी; शिक्षक संघटनांकडून आंदोलनाचा इशारा
अकोला : दिवाळीपूर्वी शिक्षक व शिक्षकेतर कर्मचाऱ्यांचे वेतन करण्याचा आदेश राज्य शासनाने दिला आहे. मात्र, अनुदानच नसल्याने दिवाळीपूर्वी शिक्षकांना वेतन देण्यात अडचणी येत आहे. त्यामुळे शिक्षक संघटनांमध्ये रोष असून, दिवाळीपूर्वी वेतन न मिळाल्यास निषेधाची भूमिका घेण्याशिवाय पर्याय राहणार नाही, असा इशारा शिक्षक समितीने दिला आहे.
राज्य शासकीय कर्मचारी व निवृत्ती वेतनधारकांना ऑक्टोबर २०२२ चे माहे नोव्हेंबर २०२२ मध्ये देय होणारे वेतन व निवृत्तीवेतन दिवाळी सणापूर्वी देण्याचा आदेश राज्य सरकारने काढला आहे. त्यानुसार सर्व विभागांकडून वेतन देयके तयार करण्यात आली आहे.
मात्र, जिल्हा परिषदेतील शिक्षण विभागाला वेतनासाठी पुरेसे अनुदानच मिळाले नाही. त्यामुळे शिक्षकांचे वेतन दिवाळीपूर्वी करण्याचा पेच निर्माण झाला आहे. महाराष्ट्र राज्य प्राथमिक शिक्षक समितीने शासनाला ता. १९ ऑक्टाेबर राेजी या संदर्भात पत्र देवून जि.प. शिक्षकांच्या वेतनासाठी मागणीच्या तुलनेने कमी अनुदान प्राप्त झाली असल्याची बाब लक्षात आणून दिली आहे.
सहा कोटी अनुदान कमी!
जिल्हा परिषदेच्या शिक्षण विभागाला कर्मचाऱ्यांच्या वेतनासाठी ४३ लाखाची आवश्यकता आहे. प्रत्यक्षात मात्र ३७ लाख अनुदान मिळाले. त्यासोबतच शिक्षकांच्या वेतनासाठी ३१ काेटी गरजेचे असताना ३७ काेटीच अनुदान मिळाले. सहा कोटी अनुदान कमी मिळाल्यामुळे दिवाळीपूर्वी वेतन कसे हाेईल, असा प्रश्न कर्मचाऱ्यांना पडला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.