अकोला : शिक्षक पतसंस्था निवडणुकीसाठी ४३ उमेदवारी अर्ज दाखल

अकोला : अकोला जिल्हा परिषद प्राथमिक शिक्षक सहकारी पतसंस्थेच्या निवडणुकीत सोमवारी (ता. ६) ४३ उमेदवारांनी अर्ज दाखल केले. त्यामुळे आतापर्यंत एकूण ४५ इच्छुकांनी अर्ज दाखल केले आहेत. दरम्यान उमेदवारी अर्ज दाखल करण्याचा बुधवार (ता. ८) शेवटचा दिवस असल्याने पुढील दोन दिवस आणखी उमेदवारी अर्ज दाखल होण्याची शक्यता आहे.

शिक्षक सहकारी पतसंस्थेची निवडणूक मार्च २०२० मध्ये हाेणे अपेक्षित हाेते. मात्र काेराेना विषाणूचा प्रादुर्भाव सुरू झाल्याने निवडणूक लांबणीवर पडली हाेती. आता काेराेनाचा प्रादुर्भाव कमी झाल्याने निवडणुकीचा मार्ग माेकळा झाला असून, प्राथमिक मतदार यादीही प्रकाशित झाली आहे. त्यासोबतच उपनिबंधक सहकारी संस्थेमार्फत शिक्षक सहकारी पतसंस्थेसाठी निवडणुकीचा कार्यक्रम सुद्धा जाहीर केला आहे.

त्यानुसार उमेदवारी अर्ज दाखल करण्याची प्रक्रिया २ डिसेंबरपासून सुरु झाली आहे. उमेदवारी अर्ज दाखल करण्याच्या पहिल्या दिवशी २ डिसेंबर रोजी सर्वसाधारण मतदार संघातून एक तर ३ डिसेंबर रोजी उमेदवारी अर्ज दाखल करण्याच्या दुसऱ्या दिवशी अनुसूचित जाती मतदारसंघासाठी एक अर्ज दाखल करण्यात आला. तर सोमवारी (ता. ६) ४३ इच्छुकांनी अर्ज दाखल केले. त्यामुळे आताएकूण अर्ज दाखल करणाऱ्यांची संख्या ४५ झाली आहे.

सोमवारी दाखल झालेले अर्ज

मतदारसंघाचे नाव अर्ज संख्या

सर्वसाधारण २३

इतर मागासवर्गीय ०४

अनुसूचित जाती-जमाती ०३

विशेष मागास प्रवर्ग ०५

महिला ०४

ठेविदार ०४