अकाेला : पशु चिकित्सालयाचे बांधकाम निकृष्ट

मंगरुळपीर : मंगरुळपीर तालुक्यातील पशु चिकित्सालयाची इमारत मोडकळीस आली होती. आता त्याच जागेवर नवीन इमारतीचे बांधकाम सुरू आहे. परंतु कमिशनच्या हव्यासापोटी माणसाला सोडत नाहीत तर हा गुरांचा दवाखाना आहे. या इमारतीचे काम निकृष्ट दर्जाचे केले तर गुरांना थोडी तक्रार करता येते. काहीसा असाच प्रकार मंगरुळपीर शहरातील पशु चिकित्सालयाच्या इमारतीच्या बांधकामात अधिकारी व कंत्राटदार यांनी पन्नास टक्के आम्हाला व पन्नास टक्के कामाला हा पायंडा रचून इमारतीचे बांधकाम सुरू केले आहे.

मंगरुळपीर तालुक्यात शेतकरी मोठया संख्येने असून शेतकऱ्याची पाळीव जनावरे मोठ्या प्रमाणात आहे. तरी आजू-बाजूला खेडयाचे प्रमाण लक्षात घेता मंगरुळपीर येथील पोलिस ठाण्याला लागून असलेल्या ठिकाणी पशु चिकीत्सालय दवाखान्याची इमारत इंग्रजकालीन होती. परंतु जुनी झालेली इमारत मोडकळीस आल्याने, त्या ठिकाणी नवीन इमारत उभारणी करण्यात येत आहे.

सध्या बांधकाम सुरू असून येथील सार्वजनिक बांधकाम विभागाचे अधिकारी व कर्मचारी त्या ठिकाणी जाऊन बांधकामाच्या गुणवत्तेबाबत विचारणा करीत नाही. सार्वजनिक बांधकाम विभागाच्या वरिष्ठ अधिकाऱ्यांनीच कंत्राटदाराला कसेही बांधकाम केले तरी चालेल अशी हिरवी झंडी दिल्याचे एका कर्मचाऱ्याने सांगितले.

ही इमारत जनावरांचा दवाखाना आहे, असा विचार करून व बांधकाम कसेही केले तरी जनावरे थोडी तक्रार करणार म्हणून कसेही करा आणि लवकर करा अशाच काही सूचना कंत्राटदाराला सार्वजनिक बांधकाम विभागाच्या अधिकाऱ्यांनी देऊन या कामात पन्नास टक्के आम्हाला व पन्नास टक्के कामाला देऊन काम करा असेच सुरू असलेल्या मंगरुळपीर येथील पशु चिकित्सालयाच्या इमारतीच्या होत असलेल्या निकृष्ट दर्जाच्या कामावरून नागरिकांमध्ये चर्चा सुरू आहे.