सबस्क्राईब करा
अकोला : बाळापूर तालुक्यातील उरळ हद्दीत एक जण गावठी पिस्तूल व काडतूस बाळगून असल्याच्या माहितीवरून स्थानिक गुन्हे शाखेच्या पोलिसांनी त्याला ताब्यात घेतले. त्याच्याजवळून पोलिसांनी पिस्तूल व काडतुसे जप्त केली आहेत. उरळ पोलिस ठाण्यात त्याच्याविरुद्ध आर्म अॅक्ट कायद्यानुसार गुन्हा दाखल केला आहे.
रघुवीर तेलसिंग चौहाण (रा. फुकटपुरा, जलाराम मंदिर जवळ जळगाव जामोद) असे आरोपीचे नाव आहे. स्थानिक गुन्हे शाखेचे पोलिस उपनिरीक्षक गोपाल जाधव यांना गोपनीय माहिती मिळाली की, उरळ हद्दीत एका युवकाकडे पिस्तूल आहे. अशा माहितीवरून त्यांच्या पथकाने उरळ हद्दीतील कवठा येथून रघुवीर चौहाण याला ताब्यात घेतले. त्याची अंगझडती घेतली असता त्याच्याजवळ गावठी पिस्तूल व सहा काडतुसे दिसून आली.
पोलिसांनी ती जप्त करून त्याला अटक केली व उरळ पोलिसांच्या ताब्यात दिले. ही कारवाई स्थानिक गुन्हे शाखेचे पोलिस निरीक्षक शंकर शेळके यांच्या मार्गदर्शनात गोपाल जाधव यांचे पथकातील रविंद्र खंडारे, महेंद्र मलीये, अविनाश पाचपोर, गोकुळ चव्हाण, वसीम शेख, भीमराव दीपके, अक्षय बोबडे यांनी केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
