खामगाव : तालुक्यातील बोरी अडगाव परिसरात यावर्षी जोरदार पावसाचा कपाशी, सोयाबीनसह फळबागांनाही मोठा फटका बसला आहे. पपईचे पीक खराब झाले असून पिकांचे नुकसान झाल्यामुळे शेतकरी संकटात सापडले आहेत. दरम्यान शासनाने नुकसानीचे पंचनामे करून मदत देण्याची मागणी शेतकऱ्यांकडून होत आहे.
पारंपरिक पिकांना फाटा देत शेतकरी फळबागांकडे वळले आहेत. जिल्ह्यात सिंचन प्रकल्प व विहिरींमध्ये जलसाठा असल्याने अनेक शेतकरी सिंचनाकडे वळले व शेतकऱ्यांनी लाखो रुपये खर्च करून संत्रा व केळी पपईच्या बागा फुलविल्या. मात्र, यावर्षी जोरदार पावसामुळे शेतकऱ्यांना नुकसानीचा सामना करावा लागत आहे.
खामगाव तालुक्यातील बोरी अडगाव शिवारात अनेक शेतकऱ्यांनी फळबाग लागवड केली होती. तर यावर्षी सोयाबीन, कपाशी सह सर्वच पिके चांगल्या अवस्थेत होती.
मात्र मागील काही दिवसात परिसरात झालेल्या जोरदार पावसामुळे अनेक शेतातील पपईची झाडे उन्मळून पडली आहेत. सोबतच केळी, संत्रा या पिकांसह खरीप हंगामातील सोयाबीन, कपाशी, तूर पिकाचे नुकसान झाले आहे. त्यामुळे शेतकऱ्यांपुढे आर्थिक संकट उभे राहिले आहे. त्यामुळे नुकसानग्रस्त भागात सर्व्हे करून शासनाने मदत करावी, अशी मागणी शेतकऱ्यांकडून होत आहे.
मी दोन हेक्टर शेतात पपईची लागवड केली होती. याकरिता ६ लाख रुपये खर्च आला. मात्र गत काही दिवसांपासून होत असलेल्या सततच्या पावसामुळे पपईची झाडे सडत आहेत. त्यामुळे नुकसान होत आहे. कृषी विभागाने सर्वेक्षण करून मदत देण्याची गरज आहे.
- शेख मुमताज, शेतकरी बोरी अडगाव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.