अकोला : गेल्या काही वर्षांमध्ये रेल्वे फाटकांवर होणाऱ्या अपघातांमध्ये वाढ झाली आहे. यातील बहुतांश अपघात हे मानवरहित गेटवरचे आहेत. याबाबत जनजागृती म्हणून दरवर्षी 7 जून हा दिवस जगभर आंतरराष्ट्रीय लेव्हल क्रॉसिंग दिन म्हणून पाळण्यात येतो. मात्र, भारतात असेही रेल्वे अपघात झाले की, त्यामध्ये अंगाचा थरकाप उडाला.
दरवर्षी राज्यात मोठ्या प्रमाणात नागरिकांना रेल्वे पटरी क्रॉस करताना जीवाला मुकावे लागते. भारतात आजवर विविध ठिकाणी रेल्वे क्रॉसिंगवरील अपघात झाले. त्याचप्रमाणे रेल्वे पटरी क्रॉस करताना जीवघेणे अपघात वऱ्हाडातील अकोला, वाशीम व बुलडाणा जिल्ह्यातही होत आहे. भारतात आजवर झालेल्या विविध ठिकाणच्या रेल्वे क्रॉसिंगवरील अपघातांमध्ये सर्वात भीषण अपघात नागपूरनजीक घडला होता व यात तब्बल 55 जणांना प्राण गमवावे लागले होते.
नागपूरजवळ गेला होता 55 जणांचा जीव
3 फेब्रुवारी 2005 रोजी नागपूरपासून 20 कि.मी. अंतरावर असेलल्या कन्हान येथे एका मानवरहित रेल्वे क्रॉसिंगवर वऱ्हाड्यांच्या ट्रॅक्टरला पॅसेंजरने धडक देऊन 55 जणांचा बळी घेतला होता. अशाच प्रकारचे अपघात जगात आणि देशातही अनेक ठिकाणी घडले. त्यामुळे या विषयावर जनजागृतीची गरज लक्षात घेऊन दरवर्षी 7 मे हा दिवस आंतरराष्ट्रीय स्तरावर लेव्हल क्रॉसिंग जनजागृती दिवस म्हणून साजरा केला जातो. या दिवशी रेल्वे व्यवस्थापनातर्फे रेल्वे क्रॉसिंग परिसरात क्रॉसिंग ओलांडताना घ्यावयाच्या सुरक्षेविषयी जनजागृती केली जाते. यासाठी पथनाट्ये, पत्रके वाटणे, लोकांशी थेट संवाद साधणे आदी उपक्रम राबविण्यात येतात.
2020 मध्ये औरंगाबादचा अपघात धडकी भरवणारा
लॉकडाउनमुळे रेल्वे बंद होती. त्यामुळे अपघाताचे प्रमाणे कमी आढळून आले. मात्र, अशातच रेल्वेने माल वाहतूक सुरू केली. रेल्वेने मध्यप्रदेशातील मजुरांसाठी भोपाळला एक गाडी रवाना केली. त्यामुळे आपल्यालाही एखाद्या अशाच गाडीने गावी जाता येईल, या आशेने जालन्याच्या एका स्टील कंपनीचे ते मजूर रातोरात औरंगाबादकडे पायी निघाले. बदनापूर ते करमाडच्या दरम्यान सटाणा शिवाराजवळ रात्र झाली म्हणून रेल्वे रुळावरच त्यांनी पथारी पसरली आणि झोपी गेले. मात्र, पहाटेच्या सुमारास जालन्याकडून औरंगाबादकडे धडधडत येणाऱ्या मालगाडीचा त्यांना अंदाज आला नाही. त्यामुळे सर्वजण मालगाडीखाली चिरडले गेले. त्यात 16 जणांचा जागीच मृत्यू झाला. हा रेल्वे क्रॉसिंगचा अपघात नसला तरी या अपघाताची भिषणता धडकी भरवणारी होती.
भारतातील रेल्वे क्रॉसिंगवर घडलेले काही प्रमुख अपघात
टिप - या अपघातांच्या आकडेवारीत तफावत असू शकते.
मध्य रेल्वेने लेव्हल क्रॉसिंगवरील सुरक्षेसाठी काही महत्त्वाच्या केलेल्या सूचना अशा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.