अकोला : शास्त्रीनगरात ‘लुसी’ने शोधला गांजा

अकोला : अंमली पदार्थ विरोधी मोहिमेंतर्गत अकोला पोलिस दलातील अंमली पदार्थ शोधक श्वान लुसीने गांजा विक्रेत्याला शोधून काढण्यात पोलिस पथकाची मदत केली. लुसीच्या कारवाईने अवैध धंदे करीत अंमली पदार्थ विक्री करणाऱ्यांवर संक्रात आली आहे.

पोलिस अधीक्षक जी. श्रीधर यांच्या मार्गदर्शनात जिल्ह्यातील अंमली पदार्थ बाळगणे, विक्री करणे, तस्करी करण्यांविरुद्ध कारवाईची मोहीम उघडण्यात आली आहे. या मोहिमेत पोलिल दलाती श्वान पथकात कार्यरत अंमली पदार्थ शोधण्यात प्राविण्य असलेले श्नान लुसीची मदत होत आहे. मंगळवार, ता. ७ डिसेंबर रोजी स्थानिक गुन्हे शाखच्या पथकाने संशयीत अंमली पदार्थ विक्री करणाऱ्याच्या घरची झाडाझडती घेण्यात आली.

खदान परिसरातील शास्त्री नगरातील शेख मुस्तफा शेख मकबुल (४०) याच्या घरात अंमली पदार्थ शोधक श्वान लुसीच्या मदतीने झडती घेतली असता २०० ग्रॅम प्रतिबंधित अंमली पदार्थ गांजा ज्याची किंमत तीन हजार रुपये आहे, आढळून आला. आरोपीविरुद्ध खदान पोलिस स्टेशनमध्ये एनडीपीएस ॲक्टचे कलम २० (ब) दोन (३) प्रमाणे खदान पोलिस स्टेशन येथे गुन्हा दाखल करण्यात आला असून, आरोपीला पुढील तपासासाठी खदान पोलिसांच्या ताब्यात देण्यात आले. ही कारवाई पोलिस अधीक्षक जी. श्रीधर, अप्पर पोलिस अधीक्षक मोनिका राऊत यांच्या मार्गदर्शनात स्थानिक गुन्हे शाखेचे पोलिस निरीक्षक संतोष महल्ले, पोउपनि. गोपाल जाधव, एएसआय दशरत बोरकर, गोकूळ चव्हाण, लिलाधर खंडारे, शेख अन्सार, जोत्स्ना लव्हाळे, नफिस शेख, श्नान पथकाचे पोलिस उपनिरीक्षक मडावी, डॉग हॅन्डलर गणेश महल्ले यांनी केली.