माना : माना रेल्वे स्टेशनलगत रेल्वे रुळाखालील भराव वाहून गेला. रेल्वे रुळाखाली 4 ते 5 फूट खड्डा पडला असून यातून पाणी वाहत असल्याचे चित्र होते. ही घटना सोमवार, 10 जुलै रोजी दुपारी पाचच्या सुमारास उघडकीस आली.
माना परिसरात झालेल्या दमदार पावसामुळे रुळाखालील भराव वाहून गेला. रेल्वे विभागाने दोन्ही बाजूूंची वाहतूक थांबविल्याने या मार्गावरील गाड्यांना 6 ते 7 तासांचा विलंब होण्याची शक्यता वर्तविण्यात येते.
जिल्ह्यातील माना परिसरात झालेल्या पावसामुळे माना
रेल्वे स्टेशननजीक हिरपूर गेट येथील क्रमांक 35/46 पोलजवळ अप-डाऊन रेल्वे रुळाखाली असलेला भराव वाहून गेला. त्यामुळे रुळाखाली 4 ते 5 फूट खोल खड्डा पडून पाणी वाहायला लागले.
ही बाब स्थानिक गावकर्‍यांच्या लक्षात येताच त्यांनी रेल्वेच्या कर्मचार्‍यांना सांगितली. त्यानंतर रेल्वे प्रशासनाने तातडीने संदेश देत अप-डाऊन मार्गावरील वाहतूक थांबविली आहे. दरम्यान, ज्या ठिकाणी रेल्वे रुळाखाली भराव वाहून गेला तेथे अंडरपासचे काम सुरू आहे.
रेल्वे प्रशासनाने रेल्वे रुळाच्या दुरुस्तीचे काम सुरू केले आहे. मात्र, पाऊस सुरू असल्याने काम करताना अडथळा येत आहे. रेल्वे रुळाखाली भराव घालून रेल्वे वाहतूक सुरळीत होण्याकरिता किमान 3 ते 4 तासांचा अवधी लागू शकतो, अशी माहिती सूत्रांनी दिली. रेल्वे विभागाने साडेआठच्या सुमारास कामाला सुरूवात केली होती.
अप-डाऊन रेल्वे वाहतूक प्रभावित
अकोला जिल्ह्यातील माना रेल्वे स्टेशनजवळ असलेल्या हिरपूर गेटनजीक अंडरपासचे काम सुरू आहे. येथील रेल्वे रुळाखालील भराव वाहून गेल्यानंतर रेल्वे विभागाने दोन्ही बाजूची वाहतूक तत्काळ थांबविली. रुळाखाली भराव टाकण्याचे काम पूर्ण झाल्याशिवाय वाहतूक सुरू करणे शक्य नाही. तर हे काम पूर्ण होण्यासाठी 6-7 तासांचा अवधी लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.