अकोला : मनपा (Akola Municipal Corporation) आयुक्‍त कविता व्दिवेदी यांच्‍या व्‍दारे शहरात होत असलेल्‍या चायनीज मांजाच्‍या (Chinese Manja) वापरावर प्रतिबंध करण्‍यासाठी विशेष पथकाची समती गठीत केली होती. या समितीने ता. ७ जानेवारी रोजीकारवाई केली.
महानगरपालिका क्षेत्रातील जठारपेठ परिसर, उमरी परिसर, सातव चौक परिसर आणि मराठा नगर परिसरातील विविध दुकानांवर तपसणी दरम्‍यान नायलॉन मांजा (Nylon Manja) आणि शासनाने बंदी घातलेल्‍या प्‍लॅस्‍टीकच्‍या पतंग विक्री करताना आढळून आल्‍याने त्‍यांच्‍या कडे असलेला साठा जप्‍त करून त्‍यांच्‍यावर दंडात्‍मक कारवाई करण्यात आली आहे.
ज्‍यामध्‍ये बाबुभाई पतंगवाले, राजकुमार जनरल स्‍टोर्स, गणेश जनरल स्‍टोर्स, शांतनू कॉम्‍युनिकेशन, दिलीप यादव, सुनील निलखन, शुभम बनकर या व्‍यावसायिकांवर एकूण १३ हजार रुपयांची दंडात्‍मक कारवाई करण्यात आली आहे.
ही कारवाई जिल्‍हाधिकारी यांच्‍या निर्देशाप्रमाणे, मनपा आयुक्‍त कविता व्दिवेदी यांच्‍या आदेशन्‍वये व मनपा उपायुक्‍त डॉ.पंकज जावळे, पुनम कळंबे यांच्‍या मार्गदर्शनात झाली करण्यात आली. या कारवाईत मनपा आरोग्‍य अधिकारी प्रशांत राजुरकर, बाजार विभागाचे रविंद्र निवाने, राजकुमार जुनगडे, सुरेंद्र जाधव, संतोष मोहोकार, सुधाकर सदांशिव, अतिक्रमण विभागाचे ईकबाल हुसेन, एन.जी.ओ. राखी वर्मा, गौरव मौर्य, गुंजन हिंगे, आदींची उपस्थिती होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
