Akola News : ओरिसातून हरवलेली महिला 4 वर्षांनंतर स्वगृही परतली; व्हिडीओ कॉलवरून पटवली ओळख

अकोला : ओरिसातून चार वर्षांपूर्वी हरवलेली एक महिला व बालविकास विभागाच्या प्रयत्नांमुळे पुन्हा कुटुंबात परतली आहे. त्यामुळे महिला व बाल विकास विभागाच्या कामगिरीचे कौतूक होत आहे. .बोरगाव मंजू पोलिसांना २०२० मध्ये साधारणत: ३५ ते ४० वर्षांची एक महिला भटकताना दिसून आली. त्यांनी महिलेला निवाऱ्यासाठी अकोल्यातील जागृती महिला राज्यगृहात दाखल केले. महिलेची मानसिक स्थिती ठीक नव्हती. तिच्याशी संवाद साधताना भाषेचीही अडचण येत होती. महिला राज्यगृहाचे प्र. अधीक्षक गिरीश पुसदकर यांनी प्रथमत: महिलेला जिल्हा सामान्य रूग्णालयात मानसोपचार तज्ज्ञांकडे तपासणीसाठी पाठवले. .Akola Crime : 13 वर्षीय मुलीवर लैंगिक अत्याचार; 4 तासात आरोपी गजाआड, २८ ऑगस्टपर्यंत पोलिस कोठडी.त्यानंतर तिच्यावर औषधोपचार सुरू करण्यात आला. महिलेच्या मानसिक स्थितीत सुधारणा झाल्यानंतर चाइल्ड हेल्पलाईनच्या समन्वयक हर्षाली गजभिये यांनी महिलेचे समुपदेशन करण्यास सुरूवात केली. गजभिये वेळोवेळी महिलेची भेट घेऊन तिच्याशी जमेल तसा संवाद साधून माहिती घेत होत्या. या संवादातून तिचे नाव रमाबाती व तिच्या गावाचे नाव दंडागुडा हे असल्याचे जाणून घेण्यात त्यांना यश आले..Whatsapp Video Call Feature : व्हॉट्सॲपची Google Meet अन् Zoomला टक्कर! व्हिडीओ कॉलिंगमध्ये एकदम जबरदस्त अपडेट.व्हिडीओ कॉलवरून पटवली ओळखमहिलेच्या दंडागुडा गावाचे नाव गुगल संकेतस्थळावर शोधण्यात आले. तिने जिल्ह्यातील मोठ्या रुग्णालयाचे नाव सांगितले. तेही गुगलवर शोधून रुग्णालयाचे छायाचित्र महिलेला दाखविण्यात आले. या प्रयत्नातून त्या महिलेचा जिल्हा नाबारंगपूर असल्याची माहिती मिळाली. तेथील जिल्हा यंत्रणेकडून ती महिला राहत असलेल्या गावात तिच्या कुटुंबाचा शोध घेण्यात आला. मग त्या महिलेचा तिच्या कुटुंबियांशी व्हिडीओ कॉलद्वारे संपर्क करून देण्यात आला. तेव्हा दोन्हीकडील व्यक्तींच्या डोळ्यात आनंदाश्रू वाहू लागले. ओरिसातील जिल्हा विधी सेवा प्राधिकरणाच्या कर्मचाऱ्यांसह महिलेचे पती अकोल्यात दाखल झाले. महिला व बालविकास कार्यालयाने विहित प्रकिया पूर्ण करून महिलेला तिच्या पतीच्या सुपूर्द केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Akola News : ओरिसातून हरवलेली महिला 4 वर्षांनंतर स्वगृही परतली; व्हिडीओ कॉलवरून पटवली ओळख

Related Stories