अकोला : शहरातील रेणुका ट्रांस्फोर्ट रायली जिनमध्ये अवैध बायोडिझेल साठवण करून जास्त दराने विक्री केली जात असल्याच्या माहितीवरून जिल्हा पोलिस अधीक्षकांच्या विशेष पथकाने छापेमारी केली. या कारवाईत दोन हजार ३०० लिटर बायोडिझेलसह दोन लाख दहा १० हजार रुपयांचा मुद्देमाल जप्त करण्यात आला आहे.
रायली जीनमध्ये रेणुका ट्रांस्फोर्टला अवैध रित्या बिनापरवाना बायो डिझेल साठवून ते ट्रान्सपोर्टच्या ट्रक मधून जास्त दराने विक्री करीत असल्याची माहिती जिल्हा पोलिस अधीक्षकांच्या विशेष पथकाला मिळाली.
याठिकाणी पुरवठा निरीक्षक जॉकी डोंगरे यांच्या टीमसह विशेष पथकाने रेणुका ट्रांसपोर्ट येथे छापेमारी करून एका लाख ७० हजाराचे तीन हजार ३०० लिटर बायोडिझेल, ४० हजाराच्या प्लास्टिकच्या टाक्या असा एकूण दोन लाख दहा हजार रुपयांचा मुद्देमाल हस्तगत करण्यात आला.
याप्रकरणी ट्रान्सपोर्ट चालक रविंद्र मोतीराम नरवाडे (५२ रा. बाळापूर नाका जुनेशहर), मालक सुभाष मोहनलाल भट्टड (रा. गोकुळ कॉलनी) यांच्या विरोधात रामदास पेठ पोलिस स्टेशन येथे जीवनावश्यक अधिनियम कलम तीन, सात कलमान्वये गुन्हे दाखल करण्यात आले. ही कारवाई जिल्हा पोलीस अधीक्षक जी. श्रीधर अप्पर पोलिस अधीक्षक मोनिका राऊत यांच्या मार्गदर्शनात पोलिस निरीक्षक विलास पाटील व त्यांच्या पथकाने, पुरवठा निरीक्षक डोंगरे यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
