अकोला - मृग नक्षत्राच्या पुर्वसंध्येला शहरात वादळी वाऱ्यासह दमदार पाऊस झाला. सायंकाळी आलेल्या जोरदार वादळी वारा आणि पावसामुळे अकोला शहरात अनेक ठिकाणी नुकसान झाले आहे.
शहरातील तोष्णीवाल लेआउटमधील महाकाय वृक्ष विद्युत खांबावर कोसळला. यामध्ये विद्युत खांब वाकला. तसेच शिकवणी वर्गातील विद्यार्थ्यांच्या सायकल, मोटर सायकल या झाडाखाली दबल्या. मान्सून पूर्व बरसणाऱ्या या पावसाने जिल्ह्यातील अकोट तालुक्यात सुद्धा शेतीच नुकसान केले आहे. सुमारे पंधरा मिनिट सुरू असलेल्या वादळी वारा आणि पावसामुळे नागरिकांची चांगली तारांबळ उडाली होती.
अचानक सुरू झालेल्या जोरदार वादळी वाऱ्यामुळे शहरातील खुले नाट्यगृह जवळील लावलेलं हॉर्डींग सुद्धा वाकून गेले. तर तोष्णीवाल लेआउट मधील रस्त्याच्या बाजूला असलेला एक विशाल झाड उन्मळून खाली पडलं आहे. खाली कोसळलेल्या या झाडाखाली सुमारे १० दुचाकी वाहन आणि सायकली दबली आहेत तर काही दुचाकी गाड्यांचा मोठा नुकसान देखील झाले आहे.
अग्निशमन दलाच्या मदतीने हे झाड हटविण्याच कार्य सुरू आहेय. तर विजेचे तार तुटल्याने या भागाचा विद्युत पुरवठा देखील खंडित झाला आहे. या वादळी पावसात ठिकठिकाणी वृक्ष उन्मळून पडले. गोरक्षण रोडवरील पाटबंधारे विभाग कार्यालय समोरील होर्डींग कोसळले.
भाजप नेते हरिश आलीमचंदानी यांच्या टिव्ही एस शोरूम समोरील मुरली चहा सेंटर जवळील वृक्ष उन्मळून पडले. यामुळे या भागातील वाहतूक मोठ्या प्रमाणात विस्कळीत झाली होती. आजच्या या पावसाने शहरातील अनेक भागात मोठे नुकसान केले आहे.
घुसर, दहीगाव गावंडे परिसरात पाऊस
अकोला तालुक्यातील घुसर, दहिगाव गावंडे, आपातापा परिसरात चांगला पाऊस झाला. मृग नक्षत्र शुक्रवारपासून सुरु होत असल्याने शेतकरी प्रफुल्लीत झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.