सबस्क्राईब करा
मूर्तिजापूर - येथील नगर परिषदेच्या स्व. रामदासभैय्या दुबे सेमी इंग्लिश शाळेत शिक्षक प्रदीप झोडपे यांनी त्यांच्या शाळेत इयत्ता दुसरी मध्ये शिकणाऱ्या शेख अरान नामक विद्यार्थ्यास अमानुषपणे मारहाण केल्याची घटना समोर आली आहे. यात शेख अरान या चिमुकल्यास मोठी दुखापत झाल्याचे पालकांकडून सांगण्यात येत आहे.
मूर्तिजापूर येथील नगर परिषद च्या स्व. रामदासभैय्या दुबे सेमी इंग्लिश शाळे मध्ये इयत्ता दुसरी मध्ये शिकणाऱ्या शेख अरान व इतर विद्यार्थ्यांमध्ये पावसाच्या छत्री वरून भांडण झाले, या कारणावरून शाळेतील मुख्याध्यापक प्रदीप झोडपे यांनी शेख अरान या चिमुकल्यास अमानुष मारहाण करून त्याची मान दाबली यात अरान च्या मानेला जबर दुखापत झाल्याचे अरानच्या पालकांनी माध्यमांशी बोलतांना सांगितले.
मात्र या बाबत मुख्याध्यापकांशी संपर्क केला असता प्रदीप झोडपे यांनी इतर ६ ते ७ शिक्षकांच्या मदतीने सदर विद्यार्थ्यांच्या घरी जाऊन त्या पालकांवर दबाव टाकण्याचा प्रयत्न केला. व 'असे काही घडलेच नाही, अरान हा पाय घसरून पडला व त्यास दुखापत झाली असल्याचे सांगा' असे पालकांवर दबाव टाकत असल्याचे पालकांनी बोलतांना सांगितले. नगर परिषदेचे मुख्याधिकारी व गटशिक्षणाधिकारी गांभीर्याने घेऊन अरान यास न्याय देऊन शिक्षकावर काय कारवाई करतात याकडे सर्वांचे लक्ष लागले आहे.
माझा मुलगा नामे शेख अरान हा इयत्ता दुसरी मध्ये शिकतो आहे. त्याला तेथील प्रदीप झोडपे यांनी मारहाण केली. त्याच्या मानेला गंभीर दुखापत झाली आहे. घटनेनंतर काही शिक्षक आमच्या घरी आले व त्यांनी कुणालाही न सांगणे किंवा प्रसार माध्यमावर बोलण्यावर दबाव आणला. या अमानुषपणे मारहाणीबद्दल सदर शिक्षकावर कारवाई करून आम्हाला न्याय देण्यात यावा हि विनंती.
- सय्यद रेहान (पालक) मूर्तिजापूर
विद्यार्थ्यांच्या पालकांनी भ्रमणध्वनी वरून माहिती देत प्रत्यक्षरीत्या कार्यालयात येऊन सुद्धा रितसर लेखी तक्रार नोंदवली आहे. यावर एक चौकशी समिती गठीत करून चौकशीचा अहवाल प्राप्त झाल्यानंतर सदर शिक्षक हे दोषी आढळल्यास त्यांच्यावर निश्चितपणे कारवाई करण्यात येईल.
- एस एस टाले, प्रशासक तथा मुख्याधिकारी
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.