![to collect the arrears of salary two demands physical intimacy abuse crime](http://media.assettype.com/esakal%2F2024-07%2Ff3e4bb67-604b-4c38-a3e8-fbc8d9839b0b%2FRushikesh%20Esakal%20(5).jpg?w=480&auto=format%2Ccompress&fit=max)
Akola News : येथील महाराष्ट्र जीवन प्राधिकरणाच्या शाखा अभियंतासह दोघांनी कंत्राटी महिला कर्मचाऱ्याचा पगार काढण्याकरिता तिला शरीर सुखाची मागणी करीत विनयभंग केल्याची घटना ता. ११ एप्रिल व २० जून रोजी घडल्याची फिर्याद शहर पोलिस ठाण्यात ता.९ जुलै रोजी करण्यात आली.
मिळालेल्या माहितीनुसार स्थानिक महाराष्ट्र जीवन प्राधिकरण विभागात कंत्राटी कर्मचारी म्हणून काम करणारी महिला घटनेच्या दिवशी महाराष्ट्र जीवन प्राधिकरण कार्यालयात कर्तव्यावर असताना सदर महिलेचा पगार न निघाल्याने शाखा अभियंता यांना त्यांच्या ऑफिसमध्ये सांगण्याकरिता गेली असता ‘मी काही एसडीओ नाही, मी काही करू शकत नाही’, असे सांगत ‘जर तू आमच्या म्हणण्याप्रमाणे वागशील जसे सांगू तसे करेल’,
असे म्हणत शरीर सुखाची मागणी केली असता, सदर महिला कर्मचाऱ्याने त्यांची मागणी धुडकावून लावली. ता. २० जून रोजी पुन्हा श्री. कपिले यांच्या चेंबरमध्ये गेली असता त्यांनी डोळ्याने इशारा करीत सदर महिलेचा विनयभंग केल्याच्या तिच्या फिर्यादीवरून महाराष्ट्र जीवन प्राधिकरण विभागाचे डी.बी कपिले व आर. इंगळे उपविभागीय अभियंता कार्यालय, मूर्तिजापूर या दोघांविरुद्ध शहर पोलिस ठाण्यात गुन्हे दाखल करण्यात आला. पुढील तपास ठाणेदार भाऊराव घुगे यांच्या मार्गदर्शनाखाली उपनिरीक्षक अरुण मेश्राम करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.