सबस्क्राईब करा
- राम पाटील वानखेडे
केनवड : वाशीम जिल्ह्यातील तब्बल २५० च्या वर पोलिस पाटील पदे रिक्त आहेत. महसूल आणि पोलिस यांच्यातील महत्त्वाचा दुवा म्हणून पोलिस पाटील गाव पातळीवर काम करीत असतात. जिल्हा आणि पोलिस विभागाला वेळोवेळी गावातील घटना, घडामोडींची माहिती देण्याचे काम पोलिस पाटील करीत असतात. परंतु पोलिस पाटलांविना रिक्त असलेल्या गावांचे कामकाज बाधित होत आहे.
रिक्त जागांमुळे एका पोलिस पाटलाकडे चार ते पाच गावांचा कारभार सोपविण्यात आला आहे. गावात पोलिस पाटील उपलब्ध नसल्याने सर्वाधिक अडचण पोलिस प्रशासनाला व ग्रामस्थांना होत आहे. घटना घडल्यानंतर पोलिसांना माहिती देण्यासाठी गावातील कुणी पुढाकार घेत नाही.
गावातील सामाजिक, राजकीय वातावरण, नेत्यांच्या भेटी, कायदा व सुव्यवस्था याबाबत गोपनीय अहवाल प्रशासनाला मिळेनासे झाले आहेत. राज्य शासन पोलिस पाटलांची रिक्त पदे भरण्याबाबत चालढकल करीत आहे.
ज्या गावात पोलिस पाटील पद रिक्त आहे, त्या ठिकाणी लगतच्या गावातील पोलिस पाटील यांच्याकडे अतिरिक्त कार्यभार देण्यात आला आहे. अशा गावात घडणाऱ्या प्रत्येक गोष्टीची माहिती पोलिस पाटील यांच्याकडून शासनाला दिली जाते.
गावात शांतता राखण्याचे कामही याच पोलिस पाटलांच्या खांद्यावर असते. त्याचबरोबर शासकीय कामांसाठी पोलिस पाटलांकडून रहिवासी दाखला घ्यावा लागतो. त्यामुळे पोलिस पाटलाविना स्थानिक नागरिकांची कामे प्रभावित झाली आहेत.
राज्य शासनाकडे पोलिस पाटील यांची रिक्त पदे भरण्यात यावी या करिता सातत्याने पाठपुरावा पोलिस पाटील संघटनेच्या माध्यमातून केलेला आहे, परंतु शासन याकडे गांभीर्याने पाहत नसल्यामुळे आम्हाला तीन-तीन गावांचा पोलिस पाटील पदाचा कारभार सांभाळावा लागत आहे.
-माणिक खराटे, पोलिस पाटील केनवड
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
